Khit Thit Morning News | June 16, 2026

Khit Thit သတင်းဌာန၏ ဇွန် ၁၆ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၁၆ ရက် မနက်ပိုင်း တင်ဆက်ပေးမယ့် သတင်းတွေကတော့ -စစ်ကောင်စီနဲ့ ဆက်နွယ်တဲ့ မြန်မာနိုင်ငံသစ်သီးဝလံ၊ ပန်းမန်နဲ့ ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်း (MFVP) ရဲ့ ဥက္ကဋ္ဌဟောင်း စိုးသန်းမင်းဒင်ဟာ သူ ပိုင်ဆိုင်မှုမရှိတဲ့ မြေလွတ်မြေရိုင်းနဲ့ ပလပ်မြေတွေကို အသင်းကို ရောင်းချခဲ့ပြီး အသင်းပိုင်ငွေ ကျပ်သိန်းထောင်ချီ အလွဲသုံးစားလုပ်ခဲ့တယ်ဆိုတဲ့ စွပ်စွဲချက်တွေနဲ့ အဂတိလိုက်စားမှုတိုက်ဖျက်ရေးကော်မရှင်ထံ တိုင်ကြားခံထားရတယ်လို့ သိရပါတယ်။ ရန်ကုန်မြို့မှာ စစ်ကောင်စီရဲ့ စစ်မှုထမ်းအတွက် ပေါ်တာဆွဲဖမ်းဆီးမှုတွေ များလာနေတဲ့အချိန် ကုမ္ပဏီဝန်ထမ်းတစ်ဦးဖြစ်တဲ့ ကိုသူရထွန်းဟာ သင်္ဃန်းကျွန်းမြို့နယ်အတွင်းမှာ ပျောက်ဆုံးသွား တယ်လို့ မိသားစုဝင်တွေနဲ့ မိတ်ဆွေတွေထံက သိရပါတယ်။ ရန်ကုန်တိုင်း၊ မြောက်ဥက္ကလာပမြို့နယ်၊ သုဇိတာ ၁၃ လမ်းမှာ နှစ်ပေါင်း ၄၀ ကျော်ကြာ အခြေချနေ ထိုင်လာခဲ့တဲ့ ပြည်သူတွေကို အာဏာပိုင်တွေက အစားထိုးနေရာချထားပေးတာမျိုး ဒါမှမဟုတ် လျော်ကြေးပေးတာမျိုး လုံးဝမရှိဘဲ ကျူးကျော်လို့သတ်မှတ်ကာ လာမယ့် ဇွန်လ ၁၇ ရက်နေ့ နောက်ဆုံးထား ဖျက်သိမ်းခိုင်းနေတဲ့အတွက် လူဦးရေ ၃၀၀ နီးပါး အိုးမဲ့အိမ်မဲ့ဖြစ်မယ့် အခြေအနေနဲ့ ရင်ဆိုင်နေရတယ်လို့ သိရပါတယ်။ ဆိုရှယ်မီဒီယာပလတ်ဖောင်းတွေဟာ ကလေးသူငယ်တွေအတွက် အန္တရာယ်ရှိစေတဲ့ အခြေအနေတွေ ကြုံတွေ့ရနိုင်တဲ့အပြင် အလွန်အမင်းစွဲလန်းစေတာကြောင့် ဗြိတိန်မှာ အသက် ၁၆ နှစ်အောက် ကလေးငယ်တွေ ဆိုရှယ်မီဒီယာအသုံးပြုခွင့် ပိတ်ပင်လိုက်တဲ့ သတင်းအပါအဝင် မနက်ခင်းသတင်း တွေကို တင်ဆက်ပေးပါမယ်။