"Alborada-Miudiño-Chantada". "Os camiños de Breogán". Banda de Silleda, Banda de Gaitas de Forcarei.

“Os camiños de Breogán” é un ambicioso espectáculo creado pola Banda de Música Municipal de Silleda xunto coa Banda de Gaitas do Concello de Forcarei. Nel participan, ademais das agrupacións anteriormente mencionadas, un gran elenco de artistas de primeiro nivel do panorama musical en Galicia como son: Abraham Cupeiro, Suso Vaamonde, Begoña Lorenzo, José Manuel López “Josele”, Pablo Seoane, Pandereteiras “Bouba”, Davide Salvado e o Grupo de Baile “Xirandela” con arranxos de Adrián Saavedra e José Luis Represas. Este proxecto foi seleccionado para o concerto inaugural do “Festival Interceltique de Lorient” do 2019 (ano dedicado a Galicia), no Grand Théâtre de Lorient, tendo unha gran acollida por parte do público asistente e da crítica. Tamén se realizou no marco da "Grande Nuit de la Galice" no Space Marine.