PROF. SHEMDOE AIPONGEZA MANISPAA YA GEITA KWA KUSIMAMIA MIRADI YA MAENDELEO @owm-tamisemi @ayo

Waziri wa Nchi, Ofisi ya Waziri Mkuu - Tawala za Mikoa na Serikali za Mitaa (OWM - TAMISEMI), Prof. Riziki Shemdoe ametoa pongezi kwa Manispaa ya Geita kwa usimamizi mzuri wa miradi ya maendeleo. Prof. Shemdoe ametoa pongezi hizo leo tarehe 24 Januari, 2026, wakati wa ziara yake ya kikazi ya kukagua miradi ya maendeleo ambapo alianza ukaguzi wa mradi barabara ya Gamashi katika daraja kuu linalounganisha Halmashauri ya Wilaya ya Geita na Halmashauri ya Wilaya ya Nyang'hwale ambalo ujenzi wake umefikia asilimia 82. Pia, amekagua Shule ya Msingi Moringe na barabara ya KASCO GESSECCO / NYANZA SECONDARY ambapo amempongeza pia Meneja wa TARURA Mhandisi Bahati M. Subeya kwa usimamizi mzuri wa miradi ya barabara ikiwemo ile ya Gamashi. Wakati huohuo, amempongeza Mkurugenzi wa Manispaa ya Geita, Ndg. Yefred Myenzi pamoja na Wahe. Madiwani na watumishi wote kwa ukusanyaji wa mapato ya Halmashauri ya Manispaa ya Geita Prof. Shemdoe ametoa pongezi hizo katika kikao cha pamoja na watumishi mara baada ya kukamilisha ziara katika Manispaa ya Geita, kilichofanyika katika Ukumbi wa EPZ uliopo Bombambili Naye Mstahiki Meya wa Halamshauri ya Manispaa ya Geita Mhe. Leonard Bugomola ameahidi kuendelea kushirikiana na wataalamu pamoja na Mkurugenzi wa Manispaa ya Geita ili kuhakikisha Geita Manispaa inakua Jiji. Imetolewa na: Kitengo cha Mawasiliano Serikalini Halmashauri ya Manispaa ya Geita