【娛樂山】燒鵝好食到要着兩條褲｜Brian爆紅嘆瘋狂：我冇扮Character｜愛妻號自誇感情專一 有妙法抗拒異性埋身

李凱賢（Brian）是Hip-Hop組合廿四味成員之一，印尼出生，11歲來港，精通粵語、英語、日語、韓語等五種語言。他身兼香港滑板協會主席，同時經營滑板舖、Barber Shop，又創立24/7TALK訪談Podcast節目及YouTube飲食頻道Let's Go Eat with Brian，瓣數極多，早前更夥拍伍詠薇主持《九運會客室》。 Brian因誇張幽默的食評爆紅，如以名牌比喻叉燒、燒鵝都dope、好味到要着兩條褲，這股潮語文化引來大量YouTuber模仿。早前，Brian接受《娛樂山》專訪，他大嘆瘋狂，並感恩地說：「我嘅幽默感終於入門，香港人覺得『this guy is pretty funny』，因為我鍾意人輕鬆、開心、玩、笑。」其Instagram追蹤數從4.4萬飆升至15萬（現時已升至18萬）。 對於形象被標籤，Brian淡然回應：「識我嘅人知道我係咩人，我冇扮character，this is me。」 對於他與伍詠薇主持HOY節目《九運會客室》，Brian笑說：「第一次睇伍姑娘，我覺得佢都痴X線，有少少煩，好X多動作，佢old school吖嘛，但跟住同佢傾偈，she is a really nice person，咁已經夠喇，我話我要做，同佢拍檔，咁個chemistry，喺個show度build嘅。」他期望《九運》第二輯一切順利。 2004年，Brian與前韓國女團Tashannie成員Annie結婚，育有一女李思妃Tayla。女兒令他改變了人生觀，最愛一家三口撐枱腳。Tayla在媽媽的鼓勵下學打鼓、結他，11歲創作第一首歌，14歲參加Clockenflap音樂節，早前更參演舞台劇Chicago，Brian說：「都係嗰句，我唔係賣花賺花香，但我朵花真係好X香！」 太太Annie曾為不少韓國歌手編舞，連韓國天王Rain也對她表示敬意。對於太太由韓國嫁來香港，Brian感激地說：「我真係好專一，好X錫我老婆。」至於點樣抗拒異性埋身，Brian自有方法，請大家觀看詳細專訪影片！ 場地：PARKSIDE@NINA CWB #娛樂山 #李凱賢 #廿四味 #燒鵝都dope #要着兩條褲