Hve undraverð er eilíf náð

‪@Ljósvakinn‬ Texti: Bárður Árni Gunnarsson (2024) Lag: Bárður Árni Gunnarsson (samið með aðstoð gervigreindar) Hve undraverð er eilíf náð, að aumka sál sem mig, sem sakfelld er, af syndum þjáð, var blind, en sér nú þig. Um langa hríð hef leitað þín, að lífsins sönnu leið, að hugarró og himinssýn, af hljóðri sálarneyð. í myrkri hér og mæðu var, í miðjum heimsins pytt, þá barst mér himins blessað svar, ég barnið væri þitt. Hve óttalaust á ystu nöf, fékk ég þá snúið við, er fann ég þína fórnargjöf, til frelsis þér við hlið. Í andans sælu ég nú dvel, í almáttugri hönd, og ævidaga alla vel, að efla sáttarbönd. Er lífsins striti lokið er og líflaus líkaminn, þá faðm þinn ljúfa finn ég hér og fel þér anda minn.