ပေါက် ကိုဝင်လာတဲ့ တပ်မ ၉၉ စစ်ကြောင်းပျက် (ရုပ်/သံ)

မကွေးတိုင်း ၊ ပေါက်မြို့နယ်တောင်ပိုင်းကို စစ်ကြောင်းထိုးလာတဲ့ စစ်ကော်မရှင် တပ်ရဲ့ တပ်မ ၉၉ စစ်ကြောင်း ပျက်သွားခဲ့ပြီး ရုပ်အလောင်း ၁၇ လောင်းရရှိကာ သုံ့ပန်း ၃ ဦးဖမ်း ရမိခဲ့တယ်လို့ ပေါက်မြို့နယ် ပြည်သူ့ကာကွယ်ရေးအဖွဲ့ (ပကဖ) က ဧရာဝတီကို ပြောပါတယ်။ နိုဝင်ဘာ ၃ ရက်နေ့ နဲ့ ၅ရက်နေ့တွေက ပေါက်မြို့နယ်တောင်ပိုင်း ကျောက်ကာ ကျေးရွာ အနီးနဲ့ ယောချောင်းနေရာတွေမှာ ဖြစ်ပွားခဲ့တဲ့ တိုက်ပွဲတွေကနေ ဖမ်းဆီးရမိ ခဲ့ကြတာဖြစ်တယ်လို့ ပကဖ က ထုတ်ပြန်ထားပါတယ်။ ပကဖ ရဲ့ထုတ်ပြန်ချက်အရ ခြေမြန်တပ်ရင်း ခမရ ၁၄၊ ၁၉ နဲ့ ၁၀၉ တပ်ရင်းသုံးရင်း ပေါင်းထားတဲ့ တပ်မ ၉၉ စစ်ကြောင်းဟာ ပေါက်မြို့နယ် တောင်ပိုင်းကို စစ်ကြောင်း ၃ ကြောင်းခွဲ ဝင်ရောက်ခဲ့တာဖြစ်ပြီး ပေါက်မြို့နယ်အနီး ဆိပ်ဖြူမြို့နယ်ထဲမှာရှိတဲ့ အမှတ် ၂၂ ကာကွယ်ရေးပစ္စည်းစက်ရုံ (ကပစ-၂၂) က တဆင့် ဝင်ရောက်ခဲ့တာလို့ ဖော်ပြပါတယ်။ ပေါက်မြို့နယ်မှာလည်း ကပစ ၂၄ ရှိနေတာဖြစ်တဲ့အပြင် စစ်ရေးဗျူဟာအရအရေး ပါတဲ့မြို့ ဖြစ်လို့ အာဏာသိမ်းစစ်တပ်က ဖိအားပေး စစ်ကြောင်းထိုးမှုတွေ ပြုလုပ်တာလို့ တော်လှန်ရေးတပ်ဖွဲ့တွေက ပြောပါတယ်။ #မြန်မာ #ဧရာဝတီ #မကွေး #ပေါက်မြို့နယ် #ကပစ၂၂ #ကပစ၂၄ #ပကဖ #WhathappensInMyanmar စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://bit.ly/supporttheirrawaddy