Panairi i tetë i Tiranës ofron larmishmëri botimesh për lexuesit shqiptarë-(2 Nëntor 2005)

Lajme Arkiva 2005 Nëse nuk keni ndonjë punë më të mirë për të bërë këto ditë do t’ju këshillonim të hidhnit një sy në panairin e tetë të librit të Tiranës. I çelur pranë Qendrës Ndërkombëtare të Kulturës pasi aty jo vetëm do të keni mundësinë të takoheni me shkrimtarët tuaj të preferuar, por do të befasoheni nga larmia e madhe e titujve dhe ngandonjëherë e performancave që ofron ky panair. Sapo të hysh në derën e tij do të ballafaqohesh me performancën e skulptorit, Llesh Biba, e cila i dedikohet figurës së Skënderbeut në 600 vjetorin e lindjes së tij. I veshur si një prej studiuesve të njohur të figurës së Skënderbeut, Marin Barleti, ai vë në dispozicion të vizituesve të kësaj stende përveç skulpturave me mbishkrime të gdhendura edhe një libër të hapur për të gjithë ata që dëshirojnë të shprehin mendimin e tyre mbi këtë figurë të shquar të kombit tonë. Llesh Biba: “Është mjaft interesante. Ju do shihni për herë të parë të gdhendur në dru bie fjala amanetin e Skënderbeut lënë të shoqes. E keni aty. Do shihni listën emërore të themeluesve të besëlidhjes së Lezhës. Është një libër me përmasa të mëdha, por prej druri. Kjo është një gjë e veçantë. Libra prej letre tani ka boll. Le të ketë edhe diçka të veçantë.” Por padyshim ky panair do të tërheqë vëmendjen e të gjitha moshave për titujt, librat dhe mundësitë që ai ofron për lexuesit. Të mëdhenj e të vegjël janë vënë në radhë për të shtuar një libër më shumë në bibliotekën e tyre personale. “Duket shumë i larmishëm. Me tre kate u ngjitëm. Bukur. Bukur. Ca i kam lënë t’i blej ditë tjetër se i mora sot. Dolëm një shëtitje me shoqet.” Gazetarja: Kishte shumë libra për fëmijë? “Po, ka shumë. Edhe romane për fëmijë. Të gjitha gjërat më pëlqejnë.” Panairi i tetë i librit do të qëndrojë i hapur deri në fund të kësaj jave./tvklan.al Gazetare: Fjodora Fjora SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/