VIJANA 5 SELELA WADAIWA KUVAMIWA NA KUPIGWA NA WANANCHI WA LEPURKO KISA MIPAKA YA MALISHO MIAKA 10.

Mwenyekiti wa Halmashauri ambaye pia ni Diwani wa Kata ya Selela, Mhe. Kisioki Moitiko, ameiomba Ofisi ya Mkuu wa Wilaya ya Monduli kumaliza mgogoro wa mipaka uliodumu kwa zaidi ya miaka 10 kati ya Kata ya Selela na Mbaash Lepurko wilayani humo. Mhe. Moitiko alitoa rai hiyo alipokuwa akizungumza na wafugaji, malaigwanani pamoja na vijana wa Selela waliojitokeza kuwazuia kwa nguvu wafugaji wa Lepurko waliokuwa wameingiza mifugo yao katika eneo la malisho la Mbaash upande wa Kata ya Selela. Kabla ya kuiomba ofisi ya Mkuu wa Wilaya kumaliza mgogoro huo, ambao tayari umesababisha majeraha kwa baadhi ya wafugaji, aliwataka pande zote kuacha mara moja matumizi ya nguvu. Aidha, aliahidi kushirikiana na Mkuu wa Wilaya kuhakikisha mgogoro huo unapatiwa suluhisho la kudumu kwa njia ya amani. Kwa upande wao, wananchi wa Kata ya Selela walimuahidi kiongozi huyo kuwa wataacha kutumia nguvu na kuomba juhudi za kutafuta suluhu zifanyike kwa haraka, huku wakisisitiza umuhimu wa kudumisha amani na mshikamano na majirani zao