Masallıda Şəhid Sənan Mirzəyev dəfn olundu

Masallıda Şəhid Sənan Mirzəyev dəfn olundu Azərbaycan Respublikasının Silahlı Qüvvələri tərəfindən Azərbaycanın Qarabağ bölgəsində keçirilən lokal xarakterli antiterror tədbirləri nəticəsində qəhrəmancasına şəhid olan Azərbaycan Silahlı Qüvvələrinin əsgəri, Sənan Vüqar oğlu Mirzəyev Masallı şəhərində dəfn olundu. Dəfn mərasimində Masallı Rayon İcra Hakimiyyətinin Başçısı Araz Əhmədov, rayonun hüquq mühafizə, idarə-müəssisə, təşkilat rəhbərləri, din xadimləri, şəhid ailələri, ictimaiyyat nümayəndələri, şəhidin yaxınları və rayon sakinləri iştirak etmişlər. Mərasimdə çıxış edən rayon rəhbəri Ali Baş Kamandanın rəhbərliyi ilə yağı düşmənə qarşı mübarizədə qəhərmanlıq göstərən igid oğullarımızın sücayətindən bəhs etmiş, bütün şəhidlərimizə Allahdan rəhmət, yaralılarımıza şəfa diləmişdir. Sonra Masallı Rayon İcra Hakimiyyətinin Başçısı Araz Əhmədov cənazəyə bürünmüş üç rəngli Dövlər Bayrağını öpərək şəhidin babasına təhvil vermiş və şəhidin babası Vətən sağ olsun deyərək Dövlət Bayrağını öpüb qəbul etmiş, nəvəsi ilə qürur duyduğunu qeyd edərək hər an Ali Baş Kamandanın yanında olduğunu vurğulamışdır. Mərasim “Şəhidlər ölməz Vətən bölünməz” şüarları və şəhidin ruhuna duaların oxunması ilə yekunlaşmışdır.