Environmental concerns sa Pax Silica, sinagot ng BCDA

Sinagot ni Bases Conversion and Development Authority (BCDA) President and CEO Joshua Bingcang ang mga agam-agam at pagkabahala ng publiko tungkol sa magiging epekto ng Pax Silica sa kalikasan. “Bagamat 1,600 hectares po ‘yan pero under our masterplan, kailangan at least 40 percent ay open space… Magkakaroon tayo ng sustainable water management po d’yan at itong clean and green energy,” saad niya sa press briefing ng Malacañang nitong Huwebes, July 23, 2026. Pinasinungalingan din niya ang mga kumakalat sa social media na mauubos ang tubig ng bansa dahil sa proyektong ito. “Sabi ang Pax Silica project baka ubusin ang tubig because of the data centers na ilalagay. Maaring mag-invite tayo ng data center but it’s not all about data center… Ang target namin d’yan ay surface water harvesting. Ang ibig sabihin niyan, lalo na po ngayon papasok na po ang rainy season, huge amount volume of rainwater dumadapo po d’yan,” dagdag niya.