Yarjejeniyar Zamantakewa, Tsarin Mulkin Najeriya da Ainihin Ma'anar Dimokuraɗiyya.

Shin mene ne Yarjejeniyar Zamantakewa (Social Contract)? Kuma ta yaya take da alaƙa da Tsarin Mulkin Najeriya da kuma ainihin ma'anar dimokuraɗiyya? A wannan shiri na Zauren Dimokuraɗiyya, mun tattauna da Kamal Ibrahim kan muhimmancin yarjejeniyar zamantakewa, ka'idojin tsarin mulkin Najeriya, da yadda dimokuraɗiyya ta kamata ta yi aiki domin tabbatar da adalci, shugabanci nagari da kare haƙƙin 'yan ƙasa. Kundin Tsarin Mulkin Tarayyar Najeriya, musamman Sashe na 14(1), ya bayyana cewa Najeriya ƙasa ce da ake gudanar da ita bisa ka'idojin dimokuraɗiyya da adalci na zamantakewa. Wannan ya nuna cewa dimokuraɗiyya ita ce ginshiƙin tsarin mulkin ƙasar, tare da tabbatar da cewa gwamnati tana aiki ne domin amfanin jama'a. A cikin wannan tattaunawa, za ku ji cikakken bayani kan: Ma'anar yarjejeniyar zamantakewa. Alaƙarta da tsarin mulkin Najeriya. Haƙƙoƙi da nauyin da ke kan gwamnati da 'yan ƙasa. Muhimmancin dimokuraɗiyya wajen gina ƙasa mai adalci da ci gaba. Baƙo: Kamal Ibrahim Mai Gabatarwa: Hafsat Ibrahim