STÄERKUNG VUM OBSERVATOIRE DE L’HABITAT

De Wunnengsmaart zu Lëtzebuerg kritt eng méi kloer an transparent Datebasis. Mam Gesetz iwwert den Observatoire de l’habitat ginn d’Missioune vun dëser wichteger Struktur gesetzlech definéiert a gestäerkt. Den Observatoire de l’habitat spillt eng zentral Roll, well en objektiv a reegelméisseg Donnéeën iwwert de Lëtzebuerger Wunnengsmaart liwwert. Dës Zuele sinn net nëmme wichteg fir d’Politik an d’Institutiounen, mee och fir d’Wirtschaft an all Acteuren, déi am Beräich vum Logement aktiv sinn, esou den CSV-Spriecher Alex Donnersbach. Mam Gesetz ginn déi dräi Haaptmissioune vum Observatoire kloer festgehalen: d’Sammelen, d’Zentraliséieren an d’Gestioun vun Donnéeën, d’wëssenschaftlech Analys vun dësen Donnéeën an d’Verëffentlechung vun de Resultater fir de breede Public. Esou kënnen Entscheedungen an der Logementspolitik op eng méi zolidd an objektiv Basis gestallt ginn. Gläichzäiteg stäerkt de Gesetzesprojet d’Onofhängegkeet an d’Gouvernance vum Observatoire. Och den Austausch vun Donnéeë gëtt kloer gesetzlech encadréiert: wéi eng Donnéeë kënne verschafft ginn, fir wéi eng Zwecker se benotzt ginn a mat wéi enge Partner zesummegeschafft ka ginn. Fir d’CSV ass dëst e wichtege Schrëtt, fir d’Vertrauen an d’Zuelen ze stäerken an der Logementspolitik méi Transparenz, méi Verlässlechkeet an eng objektiv Entscheedungsgrondlag ze ginn.