افراح السياح المنشد فهد المسيعيد الشاعر ماهر عراك بمناسبه زواج سالم عواد السياح

البارحه والهوى نسمة براده عليل ثم زان بدع البيوت وزانت طروقها على جزال الشعر ماني بعابر بسبيل انا تراني معزبها ……. ومعشوقها الشعر قبل ادخله كان بغياهيب ليل ومن جيت شمس الجزاله بانت شروقها يامرحبا عند ربعن يحتمون الدخيل وتقدر اهل الوفاء وتقدر حقوقها اقولها من ثقه واللي يدور دليل تسمع تراحيبهم لو تنشف حلوقها في حلة اللي لامال الوقت ماهو يميل اللي هقى فيه هقوه جاه من فوقها مبروك عرسك ياسالم جعل عمرك طويل والفرحه تذوقها والصحه تذوقها دامك من سلالتن ماتعشق الا الجزيل الجزله تشوقها والطنخه تشوقها الطيب في لابت السياح ماهو قليل والشجره المثمره ماتابس عذوقها ياوارثين المراجل بين جيلن وجيل انتم شجرة الكرم والجذع وعروقها وابوك ماتعسره صعبه ولا مستحيل عواد لامن دحمها ينقفل سوقها مايلتفت للبخيل وللتفت للهبيل يعرف مقام البشر من بعد منطوقها واخوك يوسف مع اهل الطيب راعي جميل من طيب راسه نجيب الجزل ونسوقها ماشح كف الكريم ان شح كف البخيل والناس ربي خلقها وبين فروقها