حلوة صيفية للمناسبات و العيد 🤗 بدون شوكولا اقتصادية و غير مكلفة و تذوب فالفم 😋

#حلوى_العيد في لبياركات بحشو بزاف لذيذ و اقتصادي من #مطبخ_شهيوات_جزائرية cuisine مثالية للمناسبات والقهوة العصرية. الميزة الكبيرة في هذه الحلوى أنها بدون شوكولاتة، يعني اقتصادية وما تتعبكش في الحر، والنتيجة؟ قرمشة من برا وهشاشة تذوب في الفم مع حشو معسل للداخل. 1. العجينة (لاباط صابلي): 125 غرام زبدة (أو مارغرين): لازم تكون طرية (بدرجة حرارة الغرفة) باش تخدمك مليح. حبة بيض كاملة. 3 مغارف كبار سكر ناعم (Sacre glace). قرصة ملح: ضرورية باش نعدلو الذوق. زوج مغارف كبار زيت: هي اللي تزيد تعطيها هذيك الخفة. مغرف صغيرة ممسوحة خميرة نوارة (خميرة كيميائية): باش تجي الحلوة هشيشة ومقرمشة. الفرينة: نلمو بيها العجينة حتى تولي طرية وما تلصقش في اليد. 2. الحشو المعسل: كاوكاو محمص ومطحون: لازم يكون مطحون رقيق شوية (ماشي غبرة وم ماشي خشين). ديكوجيل (ذوق كراميل): هو اللي نلمو بيه الكاوكاو باش يجينا الحشو معسل. (اختياري): إذا تحبي الحشو فيه شوية "قروصية"، زيدي معاه زوج مغارف كبار معجون المشماش. 3. التزيين (الديكور): شوية ديكوجيل: باش ندهنو الوجه. كاوكاو محمص ومطحون رقيق (ومغربل): باش نرمدو فيه الحبات. حبيبات لوز أو كاوكاو: للزينة من فوق. الحشو لازم تخليه شوية "جاري" (ماشي يابس) باش كي يدخل للفور يطيب ويقعد معسل وما ينشفلكش. بصحتكم مسبقاً!