Kumilipoyina naligipoina dalit song by dappu prakash source:fb

పల్లవి : కుమిలిపోయినా నలిగిపోయినా చుండూరు గుండెల గాయం దళితా సాగుతున్న సైనిక శపథం ౹౹ కుమిలి౹౹ ఆవేదనంతా పోరాట సెగలై ఊరూరూ చుండూరు మండుతుందిలే రక్తధారలై ఉదయ తారలై వికసించులే ఆత్మ గౌరవం ౹౹ కుమిలి ౹౹ అణగారినట్టి నిరుపేద జనుల నిస్సహాయ నిట్టూర్పులు పల్లె పల్లెలో పల్లెలో దొరలు పగబట్టినట్టి కుల సర్పం పడగ విప్పి బుసలుకట్టగా దళిత జీవులే చలి చీమల దండై కడ తేర్చులే కోడె త్రాచుల ౹౹ కుమిలి ౹౹ పచ్చని చేలో నెత్తురులే కురిసే పల్లెంత వల్లకాడు చేసినారులే దళితులను పట్టి పశువుల్లా కొట్టి వెంటాడి వేటాడి నరికినారులే ఈ దోపిడి దొరల దానవత్వము సాగదింక ఎంతో కాలం ౹౹ కుమిలి౹౹ రక్షించే భటులే భక్షించే భటులై హంతుకులకు కాపల కుక్కలైనరే గుండాలకు గుండా రాజ్యమేలుతుంటే బీదబిక్కి కూలీ జనం కుమిలిపోయిరే ఇదేమి రాజ్యమో ఇదేమి పాలనో నరహంతక దోపిడి రాజ్యం ౹౹ కుమిలి ౹౹ గుండెల్లో గాయం చెలరేగుతుంటే కన్నీటి సాగరాలు పొంగినాయిలే చుండూరు నేడు దొరల గుండెల్లోనా దండోర వేయమని చాటుతుందిలే ఎగరేసినా పోరు కేతనం ౹౹ కుమిలి ౹౹ ('ఎన్ని తలచినా..ఏమి అడిగినా..జరిగేది నీ చిత్తమే ' బాణీ ). -- పాట రాసింది -- -- మహాకవి -- -- కలేకూరి ప్రసాద్ ( యువక ).