Kimbisa: Tumejipanga kufanya siasa safi, ampongeza Rais Samia

Siku chache baada ya Rais Samia Suluhu Hassan kuruhusu kuendelea kwa mikutano ya kisiasa, Mwenyekiti wa Chama cha Mapinduzi mkoa wa Dodoma, Adam Kimbisa amesema ruhusa hiyo itaiimarisha kisiasa CCM na kufungua fursa za kunadi hadharani maendeleo yanayofanywa na serikali ya awamu ya sita. Kimbisa amekwenda mbali zaidi na kueleza kwamba, kuruhusiwa kwa mikutano ya kisiasa haitakuwa tishio kwa Chama tawala dhidi ya upinzani kwani wamejipanga kisawasawa. Kimbisa amebainisha kwamba, mikutano hiyo sasa inakwenda kuboresha vyama na vingine sasa vinakwenda kutafuta wanachama huku akimshukuru na kumpongeza Rais kwa kuruhusu mikutano hiyo.