Orsamentu Retifikativu atu Garante Estabilidade Fiskál Iha Kontestu Instabilidade Globál

Primeiru-Ministru (PM), Kay Rala Xanana Gusmão konsidera Orsamentu Retifikativu (OR) ne’e atu garante estabilidade fiskál iha kontestu instabilidade globál liu-hosi kombinasaun realokasaun orsamentu internu, saldu osan ne’ebé disponível, rekursu transferidu, no reseita doméstika aas-liu duké espera, nune’e bele apoia medida adisionál sira. PM Xanana hato’o konsiderasaun ne’e iha debate Orsamentu Retifikativu loron da-huluk, iha Parlamentu Nasionál (PN), kinta (28/05/2026). Ho propózitu no sentidu responsabilidade ida-ne'e maka fulan neen hafoin aprovasaun OJE 2026 nian, Governu fila fali mai Parlamentu Nasionál, hodi propoin alterasaun orsamentál ida ne'ebé sei permite país adapta a’an bá akontesimentu globál sira foin lalais ne'e.