રોપાવ્યા આંગણ તુલસી ઉષ્માબેન (લખેલું કીર્તન નીચે આપેલું છે)

મે તો અખંડ રોપાવ્યા આંગણ તુલસી એના મહિમા તણો નહિ પાર પવિત્ર મારું આંગણું મે તો દૂધ ને સાકરથી ઉછેરિયા એને પાયા છે જમના જી ના નીર પવિત્ર મારું આંગણું માતા દેવ સમાન ઊગ્યા તુલસી એની નિત્ય નમન પૂજા થાય પવિત્ર મારું આંગણું એની ડાળીએ અઢળક પાંદડા એને માંજરે મોતી સોહાય પવિત્ર મારું આંગણું માતા ગાય તુલસી ને ત્રીજા દીકરી એના ઘરે પ્રભુજી નો વાસ પવિત્ર મારું આંગણું એને નર નારી સૌ નમન કરે એને નમે મોટા મોટા ભૂપ પવિત્ર મારું આંગણું એની રામ લક્ષ્મણ ઉતારે આરતી પવન પુત્ર હનુમાન ફૂકે શંખ પવિત્ર મારું આંગણું હું તો કુમકુમ કેસર નો કરું ચાંદલો એને હીરા દોરી વિંટાય પવિત્ર મારું આંગણું હું તો લાલ લીલી ઓઢાડું ચૂંદડી એને ફૂલડાં નો હાર સોહાય પવિત્ર મારું આંગણું હું તો ગાય ના ઘી નો દીવો કરું એને અબીલ ગુલાલ છંટાય પવિત્ર મારું આંગણું તુલસી ઠાકોરજી ને વરિયા મારે હૈયે હરખ નો સમાંય પવિત્ર મારું આંગણું હું તો દીકરી માની વળાવું સાસરે એને દીધા છે સોનાના દાન પવિત્ર મારું આંગણું હું તો નિત્ય શાલિગ્રામ ની સેવા કરું અમને દેજો શ્રી વ્રજ માં વાસ પવિત્ર મારું આંગણું મે તો અખંડ રોપાવ્યા આંગણ તુલસી....