Gipo Farassino - “Ij Bogianen”.

In questa canzone (una delle sue più belle), Gipo Farassino descrive, con affetto, quel certo modo di essere dei vecchi Piemontesi (che per qualcuno può essere un difetto): un misto di riserbo dei sentimenti, di rispetto e di discrezione, accompagnati dall’ insofferenza verso le novità e associati al “senso del decoro” come valore assoluto. (Dall’ album “Ij Bogianen, e altri successi”, Polydor, 1972) Ij bogianen quand l'han vint ani 's fan corage e van a balé përchè a diso che a vint ani un l'è giovo e a dev balé. E baland as peul trové na fija 'n piòta da marié për podèj peui costruì na famija, 'n bon avnì. Però... sensa disturbé, con col tant d'educassion, come a veul la tradission, come a veulo anche ij parent per' ël decòro vers la gent sempre pronta a critiché, l'è për lòn ch'a van a balé ij bogia, ij bogia, ij bogia, ij bogia, ij bogia bogianen. Ij bogianen a quarant'ani a ciapo ‘l ghëddo 'd ciaciaré përché a diso: “A quarant'ani l'òm l'è fòrt e a dev parlé!”. Për dé la dimostrassion che 'l travaj a-j gira bin, e che grassie a madamin ij masnà a son ëd leon. Però... sensa disturbé, con col tant d'educassion, come a veul la tradission, come a veulo anche ij parent per ël decòro vers la gent sempre pronta a critiché. L'è për lòn ch'a devo parlé ij bogia, ij bogia, ij bogia, ij bogia, ij bogia bogianen. Ij bogianen a sessant'ani a van an Cesa volonté, përche a diso: “A sessant'ani, l'òm l'è vej e a dev preghé!”. San Giusep e San Gioann San Second e San Simon, ch'a-j preservo dai malann ch'a-j conservo la pension. Però... sensa disturbé, con col tant d'educassion, come a veul la tradission, come a veulo anche ij parent per ël decòro vers la gent sempre pronta a critiché. L'è për lòn ch'a devo preghé ij bogia, ij bogia, ij bogia, ij bogia, ij bogia bogianen. Ij bogianen a otant'ani a saro j'euj e 's fan sotré, përché a diso: “A otant'ani l'òm l'è frust e a dev chërpé!”. E chërpand a peul trové col canton ëd Paradis torné a vëdde ij vej amis, e giuté ij fieuj dj'anvod; Però... sensa disturbé, con col tant d'educassion, come a veul la tradission, come a veulo anche ij parent per ël decòro vers la gent sempre pronta a critiché: L'è për lòn ch'as fan sotré ij bogia, ij bogia, ij bogia, ij bogia, ij bogia bogianen. Descrizione