WIZARA YA AFYA IMETOA TAHADHARI KWA WANANCHI KUTOKUBALI KURUBUNIWA NA MTANDAO WA UTAPELI WA AJIRA.

Akitoa Taarifa Kwa Vyombo Vya Habari Waziri Wa Wizara Hiyo Mh Nassor Ahmed Mazrui Amesema Wizara Haihusiki Na Utapeli Huo Ambao Wahusika Wamekuwa Wakijitambulisha Kuwa Ni Maafisa Wa Wizarani. Amefahamisha Kuwa Wizara Ya Afya Ilitangaza Nafasi Za Kazi Kwa Kada Ya Afya Ikiwemo Za Wauguzi, Maabara Na Wafamasia Pamoja Na Madaktari Bingwa Lakini Hakuna Nafasi Ya Ajira Kwa Wanaofanya Usafi. Amefahamisha Kuwa Wizara Imeingia Mkataba Na Kampuni Za Usafi Kwa Ajili Ya Kufanyakazi Katika Hospitali Zake Hivyo Ni Vyema Wananchi Kuomba Ajira Kupitia Huko Ili Kuepuka Kutapeliwa. Aidha Mh Mazrui Amewataka Wananchi Kufahamu Kuwa Hakuna Ajira Zinazonunuliwa Na Kutoendelea Kutapeliwa Ambapo Wizara Kwa Sasa Inashirikiana Na Jeshi La Polisi Na Mamlaka Ya Kuzuwia Rushwa Ili Kuutafuta Mtandao Huo Na Kuuchukulia Hatua. Hivi Karibuni Kumejitokeza Mtandao Wa Matapeli Kuwapigia Simu Wananchi Kutangaza Ajira Ambapo Hutakiwa Kutoa Kati Ya Shilingi Laki Tano Hadi Milioni Moja Ili Kupata Nafasi Hizo Za Kazi.