Atentati që tronditi Tiranën/Motra e Sadikajt flet për Fax News:Nuk të vret njeri për shuma të vogla

Vanesa Sadikaj, motra e shtetasit Aleksandër Sadikaj i cili tre ditë më parë ndërroi jetë në Tiranë pas shpërthimit të një sasie tritoli ne automjetin e tij, ka dhënë një intervistë për Fax News. Ajo foli mbi dyshimet që janë ngritur lidhur me përfshirjen e Sadikajt në veprimtari kriminale gjë që mund të kishte sjellë edhe atentatin ndaj tij. Sa i përket jelekut anti-plumb dhe dylbive të gjetura në shtëpinë e të ndjerit 27 vjeçar, e motra thotë për Fax News se anti-plumbi i ishte bërë dhuratë nga shoku i tij në Greqi ndërsa dylbitë ishin për shitje në faqen online që kishte në “instagram”. Sadikaj: Vëllai im nuk kishte konflikte me asnjë njeri, ishte i lirë, bënte jetë familjare me ne. Lëvizte në këmbë, i pëlqente të bënte xhiro me bicikletë. Rrinte gjithë ditën në lokalin familjar që kemi në Tiranë. Ne kemi bërë një jetë të qetë, mediat po shkruajnë shumë gjëra të pavërteta. Ai jetonte në një shtëpi me qera prej 4 vitesh, nuk e kishte ndërruar kurrë, bashkëjeonte me një vajzë. Unë shkoja pothuajse çdo natë atje, më merrte e makinën e tij bashkë me vajzën time të vogël. Me atë makinë që ndodhi ngjarja, shkonim në shtëpinë e tij. Pyetje; Është gjetur një anti-plumb në banesën e vëllait tuaj, ju e dinit? Vanesa Sadikaj: Po e dija, është një dhuratë që ia ka bërë një shok nga Greqia dhe nuk është përdorur asnjëherë dhe kjo gjë mund të vërtetohet edhe nga ekspertiza. Pyetje: Po në lidhje me dylbitë? Vanesa Sadikaj: Ne kemi një faqe online ku shesim aksesorë për kafshët, ata dylbi janë në shitje tek faqja, nuk e di nëse përdoren për të parë zogjtë por aty i shisnim. Pyetje: Një tjetër dyshim është se vëllai juaj ishte i përfshirë në një grup kriminal në Hollandë… Vanesa Sadikaj: Nuk ka lidhje fare, vëllai im nuk njeh njeri atje, nuk ka shkuar kurrë në Hollandë. Pyetje: Po sa i përket dhënies së lekëve me fajde, sa e vërtetë është? Vanesa Sadikaj: Kjo është e vërtetë, por kanë qenë shuma të vogla të dhëna tek shokët dhe miqtë e afërt dhe që nuk kanë lidhje me këtë gjë sepse askush nuk do e bënte një atentat të tillë për shuma të vogla. Ai ka qenë shumë i lumtur kohët e fundit, kemi qenë shumë të lumtur bashkë, duke kaluar momente të bukura, pa pasur asnjë lloj shqetësimi sepse ai çdo gjë e ndante me mua. Aleksandër Sadikaj ndërroi jetë mesditën e të shtunës në 11 qershor pas shpërthimit të 400 gr tritol të vendosur në makinën e tij tip “Golf 5”. 27 vjeçari po udhëtonte pranë rrethrrotullimit të TEG-ut në momentin kur ndodhi shpërthimi. Ndërsa dyshohet se autorët kanë qenë jo me larg se 500 metra larg tij duke e ndjekur skenën me sy të lirë ku kanë shtypur telekomandën për shërthimin e lëndës plasëse. #faxweb #faxnews #zgjohu Follow Fax News Albania Subscribe To Fax News on YouTube Channel HERE:    / @faxnewsalbania9903   For more content from click HERE: https://www.faxweb.al/ Like Fax News on Facebook HERE:   / faxweb.al   Follow Fax News on Instagram Here:   / faxnews.tv   Për më shumë na ndiqni në: www.faxweb.al