കർക്കിടക തെയ്യങ്ങൾ നാടിറങ്ങുന്നു...

പയ്യന്നൂർ: വടക്കൻ കേരളത്തിലെ ആചാരപ്പൊലിമകൊണ്ടും, വർണവൈവിധ്യം കൊണ്ടും ശ്രദ്ധേയമായ അനുഷ്ട്ടാന കലാരൂപമാണ് തെയ്യക്കോലങ്ങൾ. കന്നിക്കൊയ്ത്തും കഴിഞ് മഴപെയ്‌ത് തോർന്ന് മാനം തെളിയുന്ന തുലാപ്പത്തിനാണ് തെയ്യങ്ങൾ അരങ്ങിലെത്തുക എന്നാണ് പൊതുവെ പറയപ്പെടുന്നതെങ്കിലും കള്ളക്കർക്കിടകത്തിന്റെ കോരിച്ചൊരിയുന്ന മഴയത്തും നിരവധി തെയ്യക്കോലങ്ങളാണ് തലപ്പാളി കെട്ടി തിരുമുടിയണിഞ് ക്ഷേത്രാങ്കണത്തിലും, തറവാട്ട് മുറ്റങ്ങളിലും ഉറഞ്ഞാടാൻ എത്തുന്നത്.