Немец кварталында үйлөр эмнеге бүтпөй турду?Акча кайда кеткен? Жетекчилер бири-бирин айыптады

Буга чейин НБК курулуш компаниясынын Бишкектеги "Немец кварталы" турак жайы бүтпөй турганы боюнча чыгарганбыз. Андан соң бизге бул компанияга инвестор болгон "Алимбек Ата" компаниясы жана мурдагы директор Болот Закиров "бизди туура эмес айыптап жатышат" деп кайрылышты. "Алимбек Атанын" юристи компанияга аудит киргизип акчалар кандай жумшалганын тактап алып анан, үйдү бүтүрүүгө кошумча каражат салууга даярдыгын айтууда. Ал эми мурдагы директор үйлөрдүн бүтпөй калышына күнөөлүү эместигин, акча кымырбаганын билдирди. Ал эми НБКнын өкүлү Дастан Оболбеков "инвестор үй бүтө электе эле өз акчасын да, пайдасын да чыгарып кетип калган" деп айыптады. Акча бербей туруп текшеребиз дебей, иш бүткөндөн кийин аудит киргизсе болорун айтты. Ошондой эле мурдагы директор компанияга түшкөн акчаны пайдаланып, өзүнчө башка жактан көп кабатуу үй куруп алганын белгиледи.