GAANO KABAGSIK ANG ABU SAYYAF?

Sino ba naman tol ang hindi matatakot kapag narinig ang salitang Abu Sayyaf lalo na sa mga taga Mindanao dahil sa napakadami nitong pinaslang na sibilyan, sundalo at mga pulis, minsan pa nga makikita mo nalang yung mga pugot na ulong biktima nila na kalat sa mga pampublikong lugar. Naalala ko pa nga noon na ginagawang panakot ni FPRRD ang Abu Sayyaf sa mga siraulong pulis. Sa loob ng higit tatlong dekada, binulabog ng grupong ito ang katimugang Pilipinas sa pamamagitan ng mga pag‑atake, pag‑dukot, p4mumug0t, at pambobomba. Nagsimula ito bilang isang maliit na pangkat na humihiling ng hiwalay na estadong Muslim ngunit kalaunan ay naging kilalang grupo ng bandido at terorista. Mula sa mga pagdukot sa mga dayuhang turista at misyonero, hanggang sa mga pambobomba sa barko, paliparan, simbahan, at mga pampublikong lugar, paulit-ulit nilang ipinakita kung gaano sila kabagsik at kung paano nila ginamit ang karahasan at takot bilang sandata upang makakuha ng pera, kapangyarihan, at impluwensiya. Bago pa man mabuo ang Abu Sayyaf, matagal nang may tensiyon sa pagitan ng mga Muslim na Moro at ng sentral na pamahalaan. Noong ika‑16 na siglo, dinala ng mga Kastila ang Kristiyanismo sa mga pulo sa hilaga at tinuring na mababang uri ang mga Muslim sa timog. Ang mga tao sa mga katimugang isla ay kabilang sa mga pinakamahihirap sa bansa. Nagbunsod ito ng armadong pakikibaka: sa mga dekada 1970, lumitaw ang Moro National Liberation Front (MNLF) at kalaunan ang Moro Islamic Liberation Front (MILF), na humingi ng kalayaan o awtonomiya. Nang magsimulang tumanggap naman ang MNLF ng peace talks, maraming mga bata rito ang kumalas. Hindi nila gusto na makipag peace talks sa gobyerno dahil ang paniniwala nila ay inaagaw ng gobyerno ang Pilipinas na para lamang sa Muslim. Kaya dito na lilitaw ang tinatawag na Abu Sayyaf Group o ASG. True Crime Tagalog | Tagalog Crime Stories