आरती राधावल्लभ लाल जू की Shri Radha Vallabh Shri Harivansh

दोहा-पाग बनी पटका बन्यौ बन्यौ लाल कौ बेष। श्री राधावल्लभ लाल की दौरि आरती देख।। पद-आरती कीजे श्याम सुन्दर की, नंद के नंदन राधिकावर की। भक्ति करि दीप प्रेम करि बाती, साधु संगति कर अनुदिन राती।। आरती क्रज जुवति जूथ मन भावै, श्याम लीला श्री हरिवंश हित गावै। सखि चहूँ ओर चँवर कर लीनें, अनुरागन सौं भीने हीये।। सन्मुख बीन मृदंग बजावैं, सहचरि नाना राग सुनावैं। कंचन थार जटित मणि सोहैं, मध्य वर्तिका त्रिभुवन मोहै।। घंटा नाद कह्यौ नहि जाई, आनँद मंगल की निधि माई। जयति जयति यह जोरी सुख रासी, (जैश्री) रूपलाल हित चरन निवासी। आरती श्री राधावल्लभ लाल की कीजै, निरखि नैन छवि लाहो लीजै।।