Şamaxıda dəhşətli qətlin bəzi təfərruatları məlum olub

Şamaxıda ailədaxili münaqişə qanlı sonluqla nəticələnib.İlkin məlumata görə, 31 yaşlı Teymur Əliyev ailə münaqişəsi zəminində qaynatası – 54 yaşlı Elşən Quliyevə bıçaqla xəsarət yetirib. Ağır vəziyyətdə Şamaxı Rayon Mərkəzi Xəstəxanasına çatdırılan yaralının həyatını xilas etmək mümkün olmayıb.Yaxınlarının sözlərinə görə, Teymur Əliyevlə həyat yoldaşı arasında bir müddətdir münaqişələr yaşanırmış. Elə bu səbəbdən də bir müddət əvvəl qız atası yeganə övladını ər evindən öz evinə aparıb.Hadisənin baş verdiyi gün Teymur Əliyev uşağını görmək məqsədilə qaynatasının evinə gəlibmiş. Qohumlarının bildirdiyinə görə, o, övladı ilə görüşdükdən sonra qaynatasına arxadan – kürək nahiyəsindən bıçaq zərbəsi endirib.