Gara për SPAK: Kush janë Klodian Braho dhe Doloreza Musabelliu,prokurorët pas dosjeve më të 'nxehta'

Në garën për drejtimin e Strukturës së Posaçme Antikorrupsion (SPAK), dy emra spikasin me profilet e tyre të forta dhe dosjet e rëndësishme që kanë hetuar. Klodian Braho, aktualisht drejtues i sektorit antikorrupsion, vjen nga një karrierë e gjatë që nisi në Berat dhe Vlorë, për të kulmuar në Prokurorinë e Krimeve të Rënda dhe më pas në SPAK. Ai njihet për hetimin e çështjeve me impakt të lartë publik, si ajo ndaj ish-kryeprokurorit Adriatik Llalla, dosja e bujshme '5D' e drejtorëve të Bashkisë Tiranë, procesi gjyqësor ndaj ish-ministrit Fatmir Mediu për Gërdecin, si dhe dosja 'Toyota Yaris'. Në krahun tjetër, Doloreza Musabelliu shënon një moment historik, duke u bërë prokurorja e parë grua që kandidon për këtë post. Me një përvojë 17-vjeçare, ajo ka hetuar çështje të nxehta të krimit të organizuar dhe korrupsionit. Musabelliu ka pasur në dorë dosje si ajo e pilotit italian Guido Guidi, çështjen e parë 'Toyota Yaris', dhe së fundmi hetimin kompleks ndaj grupit kriminal të Laert Haxhiut. Për shkak të rrezikshmërisë së kësaj dosjeje të fundit, ku dëshmitari i drejtësisë zbuloi plane për ekzekutimin e saj, Musabelliu është një nga prokurorët e paktë që ka mbrojtje të veçantë fizike. Ajo është gjithashtu një nga prokurorët e çështjes së bujshme 'Plumbi i Artë', e cila përfshin tre bashkëpunëtorë të drejtësisë. Syri Televizion sjell ngjarjet dhe informacionet e fundit nga i gjithë vendi, rajoni dhe bota. Lidhjet direkte nga evente të rëndësishme politike ose jo, janë të përditshme. Lajmet përcillen për publikun çdo ditë edhe përmes reportazheve e kronikave speciale për çështje sociale, ekonomike, politike dhe kulturore etj. Për më shumë informacione vizitoni: http://syri.net Subscribe "Syri Tv" në YouTube Like Syri Tv në Facebook:   / syrimedia   Like Syri.net në Facebook:   / portali.syri.net   Follow syri.tv në Instagram:   / syri.tv   #SyriTv #LajmeSyri #SPAK