နေ့စဉ်ခွန်အား ၂၀၂၆ ခုနှစ် | ဇူလိုင်လ ၆ ရက်

ဘုရားသခင်၏ရှေ့တော်၌ ကြီးပွားခြင်း https://myanmar-odb.org/2026/07/06/th...   / myanmar.odb     / ourdailybreadmyanmar   ယနေ့ဖတ်ရန်ကျမ်းချက် ဓမ္မရာဇဝင်ဒုတိယစောင် ၆:၉-၁၅ https://odb-ministries.org/bible/mm/r... ထင်ဟပ်ဖော်ပြချက် ဘုရားသခင်၏ရှေ့တော်၌ ကြီးပွားခြင်း ဖန်ဆင်းခြင်းဖြစ်စဥ်တွင် အာဒံနှင့်ဧဝ နှစ်ဦးတည်းသည် “ဘုရားသခင်၏ပုံသဏ္ဌာန်တော်နှင့်အညီ” ဖန်ဆင်းခံရ သည့် (ကမ္ဘာဦးကျမ်း ၁း၂၇) အခွင့်ထူးခံသတ္တဝါများဖြစ်ပြီး၊ ဘုရားသခင်ကိုယ်တော်တိုင် “ဇီဝအသက်ကို မှုတ်သွင်း”ထား(၂း၇)သည်။ သူတို့အား အသက်ရှင်ရာတွင် မည်သို့ဘဝရှင်သန်မည်ကို‌ ရွေးချယ်နိုင်သည့် လွတ်လပ်မှုပေးထားသည်(း၁၆-၁၇)။ အာဒံနှင့်ဧဝတို့ ဆုံးဖြတ်ရွေးချယ်ခဲ့သည့်အရာက ကမ္ဘာလောကသို့ အပြစ်တရားနှင့်သေခြင်းကို ယူဆောင်လာခဲ့သည်(၃း၁-၇)။ ဘုရားသခင်သည် ဣသရေလလူတို့ကို သူနှင့်ပဋိညာဥ်ပြုသော လူမျိုးတော်အဖြစ် ရွေးချယ်သောအခါ ထိုသူတို့ကိုလည်း ကိုယ်‌တော်အား နာခံမည်၊ မနာခံမည်ဟူသည့် ရွေးချယ်ခွင့်ကို ပေးထားသည်။ (တရားဟောရာကျမ်း ၁၁း၂၆-၂၈၊ ၃၀း၁၅-၂၀)။ ၎င်းတို့၏ရွေးချယ်မှုရလဒ်များက “အသက်ရှင်ခြင်း ချမ်းသာ”နှင့် “သေခြင်းဆင်းရဲ”ဟူ၍ လုံးဝကွဲပြားမည် ဖြစ်သည်(၃း၁၅)။ “အသက်ရှင်ခြင်း၊ သေခြင်း၊ ကောင်းချီးပေးခြင်း၊ ကျိန်ခြင်းတို့ကို သင့်ရှေ့၌ ငါထားသည်။... အသက်တရားကို ရွေးယူလော့” (း၂၀)ဟု မှန်ကန်သော ရွေးချယ်မှုပြုရန် မောရှေသည် သူတို့ကို တိုက်တွန်းအားပေးခဲ့သည်။ သခင်ယေရှုသည် ကျွန်ုပ်တို့ကို “အသက်ရှင်ခြင်းသို့ ဦးတည်သော ”ကျဥ်းသောလမ်းနှင့် “သေခြင်းသို့ရောက်သော” ကျယ်သောလမ်းဟူသည့် ရွေးချယ်စရာကို ပေးထားပါသည်။ (ရှင်မဿဲခရစ်ဝင် ၇း၁၃း၁၄)။ စာရေးသူ K.T. Sim