ကြိုးတစ်စ၏ (ခက်ဇော်)

ကြိုးတစ်စ၏ (ခက်ဇော်) ========= အထပ်မြင့်တိုက်များ များပြားလှသော ရန်ကုန်မြို့လယ်ကောင်သို့ လမ်းလျှောက်သွားပြီဆိုကြပါစို့။ တိုက်ခန်းများရှေ့ တိုးလို့တွဲလောင်းကျနေသော ကြိုးစများစွာ တွေ့ရနိုင်မည်။ ဘယ်ကြိုးသည် ဘယ်အခန်းနှင့် ဆိုသည်ကို ရုတ်တရက်ကြည့်လျက် မသိနိုင်။ ရှုပ်ထွေးလှသည့် ဆက်သွယ်မှုများနှင့်။ ထိုကြိုးစများထဲက တစ်စ သည် ကိုမင်းသိုက် ဖြစ်ပါသည်။ ''ကျွန်တော် ငယ်ငယ်ကတည်းက မိဘနဲ့ အတူမနေရဘူး…အဘိုးအဘွားတွေ၊.စည်းကမ်းတင်းကြပ်တဲ့ အဒေါ်အပျိုကြီးတွေ နဲ့ ကြီးလာရတာ'' ကိုမင်းသိုက် ကို ၁၉၆၈ ဧပြီ ၁၈ ရက်နေ့တွင် ရန်ကုန်မြို့ အလံပြဘုရားလမ်းရှိ အာဇာနည်သားဖွားခန်း ၌ မွေးဖွားသည်။ ဖခင်ဖြစ်သူ က မွန်လူမျိုး၊ မိခင်ဖြစ်သူက ရခိုင်လူမျိုး ညီအစ်ကို မောင်နှမ အရင်းအခြာလည်းမရှိ ၊ မိခင်က ပညာတတ်မျိုးရိုး..ကျောင်းဆရာမ ၊ ဖခင်က ရှစ်တန်းမအောင်သည့်အပြင် သောက်တတ်စားတတ်။ ပညာကို ဂုဏ်သိက္ခာအဖြစ် ထားသော မိခင်ဘက်မှ ဖခင် နှင့် လုံး၀သဘောမတူခဲ့ပဲ ပစ်ထားခဲ့သည်။ သို့သော်…ကိုမင်းသိုက်ကို မွေးပြီး တစ်နှစ်နှင့် တစ်လ တွင်တော့ မိခင်ဖြစ်သူက ဘိုးအေ ဖွားအေ ထံတွင် လာရောက်အပ်နှံခဲ့သည်။ အရက်သမားဖခင် ၊ ကလေးတစ်ဖက်နှင့် ရုန်းကန်ရမည့်ကျောင်းဆရာမမိခင်တို့ နှင့် နေလျှင် ကလေးအတွက် အဆင်မပြေဖြစ်မည်ကို ပူပန်သောကြောင့်ဖြစ်သည်။ #audiobook #spring #ခက်ဇော် #khetzaw #podcast #ကြိုးတစ်စ၏