ПОЛИЦИЯ МЕН ЖАҚТАСТАРЫНА 200 МЫҢ ТЕҢГЕ ТАУЫП БЕРЕ АЛМАҒАН 14 ЖАСАР БАЛА СУИЦИДКЕ БАРҒАН

14 жасар баланың өліміне дейінгі соңғы сағаттарда не болды? Қарапайым жол-көлік оқиғасынан басталған жағдай қалайша бір отбасының орны толмас қасіретіне ұласты? Ең бастысы – бұл оқиғада полиция қызметкерлерінің әрекетіне тиісті құқықтық баға берілді ме? Осы сауалдарға жауап іздеген Арыс қаласының тұрғыны Айбол Жүнісов редакциямызға келіп, ұлының өліміне қатысты жанайқайын жеткізді. Оның айтуынша, биыл 2 сәуір күні Мұхаммеджан мен Ислам есімді екі жеткіншек әкесінің көлігін рұқсатсыз мініп шығып, жол-көлік оқиғасына тап болған. Заң аясында қаралуы тиіс бұл жағдайдың кейінгі өрбуі ата-ананың күдігін күшейткен. Жасөспірімдердің айтуынша, оқиғадан кейін полиция қызметкерлері оларды айып тұрағына апарамыз деп алып шығып, Арыс қаласындағы Наурыз алаңына жеткізген. Сол жерден бастап оқиғаның мән-жайы күрделене түседі. Өзіне қол салуға итермелеген оқиғаны неге құзырлылар бұрмалап жатыр? Неліктен кәмелетке толмағандардың қатысуындағы оқиға дәл осындай сипатқа ие болды. Полиция делдалдар арқылы 200 мың теңге сұратпаса, екі жас бала таңға дейін ақша сұрап сабылды. Полиция неге кәмелетке толмаған балалардың ата-анасына қоңырау соғып, құқықбұзушылық әрекеттерін хабарламаған? Полиция қызметкерлерінің бұл іске қатысы болмаса онда неге олар заң аясында сол кезде айып тұрағына көлікті апармады? Исламның сөзінше, сол жерде 200 мың теңге ақша туралы әңгіме қозғалған. Егер бұл рас болса, мұндай әңгімені кім көтерді және қандай мақсат көзделді? Алайда ең ауыр сұрақтың жауабы әлі күнге дейін табылған жоқ. Өйткені осы оқиғадан көп ұзамай 14 жасар Мұхаммеджанның өмірі қиылды. Біз бұл шығарылымда ешкімді алдын ала айыптамаймыз. Бірақ қоғам назарын аударған іс бойынша жауапсыз қалған сұрақтарды қоюға міндеттіміз. Бір баланың өлімі кездейсоқ жағдай ма, әлде оған дейінгі оқиғалардың салдары ма? Неліктен ата-ананың күдігі сейілмей отыр? Неге олар әлі күнге дейін жан-жақты әрі әділ тергеуді талап етеді? «Жүйе» бағдарламасының жаңа шығарылымында біз іс материалдарын, куәгерлердің сөздерін және отбасы келтірген деректерді саралай отырып, қоғамды алаңдатқан осы оқиғаның мән-жайын тарқатуға тырысамыз. Өйткені 14 жасар баланың тағдырын қиған оқиғаға қатысты сұрақтар жауапсыз қалмауы тиіс. Бір баланың өмірі үзілген жерде үнсіз қалуға болмайды. Бұл шығарылымды бөлісіңіз! Үнсіз қалмаңыз! Заңсыздыққа қарсы бірге тұрайық! 📲 Байланыс: +7 701 186 38 38 💬 Жоба ақылы. Демеуші көмегімен түсірілді.