Խուզարկություններ Ծառուկյանի տանն ու ընկերություններում

Առավոտյան 7-անց 16-ից՝ արդեն ավելի քան 10-ը ժամ, ուժայինները գործողություններ են իրականացնում Գագիկ Ծառուկյանի առանձնատանը: Ժամը 15:40-ին փաստաբան Սմբատ Մինասյանն է դուրս եկել շենքից: Նա լրագրողներին ասել է, որ խուզարկությունը շարունակվում է, իսկ Գագիկ Ծառուկյանը դատավարական կարգավիճակ չունի: Վաղ առավոտից լայնավածավալ խուզարկություններ են նաև «Մուլտի Գրուպ» կոնցեռնի կազմում ընդգրկված գրեթե բոլոր ընկերություններում, ինչպես նաև այդ կազմակերպությունների տնօրենների բնակարաններում։ Փաստաբաններին երկար ժամանակ թույլ չէին տալիս մտնել Գագիկ Ծառուկյանի առանձնատուն: Թե ինչ գործի շրջանակում են խուզարկությունները, առայժմ պաշտոնական տվյալ չկա: Քննչական կոմիտեն հայտնել է, որ ավելի ուշ հաղորդագրություն կտարածի: Մամուլի տեղեկություններով, լայնածավալ խուզարկությունների հիմքում փողերի լվացման և հարկերից խուսափելու հոդվածներով հարուցված քրեական վարույթներն են: Իրավապահները դիմակավորված են ու զինված: Իսկ Գագիկ Ծառուկյանի առանձնատան վերևում դրոններ են աշխատում: Հետևեք մեզ նաև՝ ✔️ YouTube՝    / @kentronchannel   ✔️ Telegram՝ https://t.me/epikentron_news ✔️ Facebook՝   / kentrontv1   ✔️ Instagram՝   / kentrontv   ✔️Threads՝ https://www.threads.com/@kentrontv ✔️ Tik Tok՝   / kentronchannel