Emigrantët mbeten në Shqipëri për shkak të vendimit Grek (7 Korrik 2003)

Lajme Arkiva 2003 Gazetarja: Kur jeni kthyer nga Greqia? “Me datë 23, tani shkojë të kthehem në Greqi dhe nuk më lejohet” . Gazetarja: Kush të pengon? “Dogana e Kakavijës. Mua më ka dërguar spitali i Kretës”. Gazetarja: Ke ardhur në Shqipëri për tu kuruar? “Po kam ardhur për tu kuruar, kam paguar 150 euro në Greqi, kam shkuar te bashkia e Kretës dhe më ka thënë se do të shërohesh e do të vish, letrat i ke në rregull sepse ke paguar lekët. Vij në ambasad dhe këtu më thonë s’di të të jap sqarim, nuk kalon”. Bajrami është një nga emigrantët Shqiptarë që kërkojnë zgjidhje në ambasadën Greke në Tiranë. Shumë emigrantë kanë mbetur në atdhe pas një qarkoreje të dalë nga Ministria e Brëndëshme Greke. Përpara një jave, qeveria Greke nxori një urdhëresë ku thuhej se nuk do të pranojë asnjë kërkesë për rinovimin e lejeve të qëndrimit në tokën Helene pas datës 30 Qershor. Sipas kësaj urdhërese, emigrantët nuk duhet të lëvizin jashtë territorit Grek deri me datë 30 Tetor, datë që qeveria Greke vlerëson se do të ketë përfunduar plotësisht dhënia e lejeve. Ky vendim i nxjerrë nga Ministria e Brëndëshme Greke është bërë pengesë për emigrantët Shqiptarë. Shumë prej tyre të cilët janë kthyer në Shqipëri për emergjenca familjare, për shkak të këtij vendimi janë kthyer mbrapsht në pikat kufitare me Greqinë, megjithëse i kanë dorzuar kërkesat 3 muajshe pranë bashkive dhe prefekturave Greke. Emigrantët Shqiptarë kanë paralajmëruar se do të organizonin një protestë në Athinë për të kundërshtuar këtë veprim, i cili i detyron që të qëndrojnë në Greqi gjatë muajve të verës. Ambasada Greke në Tiranë vazhdon të qëndrojë në heshtje për këtë problem. Lidhur me këtë vendim të publikuar nga Ministri i Brëndshem Grek, deri tani edhe Ministria e Punëve të Jashtme Shqiptare po qëndron në heshtje. Zyrat e Ministrisë së Jashtme kanë qëndrur të mbyllura për këtë çështje. Emigrantët Shqiptarë që për ironi të fatit çdo vit në këtë periudhë kur kthehen në Shqipëri për të kaluar pushimet përballen me pengesa të ndryshme, janë në pritje të një përgjigjeje që nuk e dinë se nga do t’ju vijë./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/