عادل عثمان الطيب - افتشلك واللاقيكي

أغاني طمبور كلمات..السر عثمان الطيب افتشلك وكت اضهب  وسط ليل الضنا الودر علي اثرك  حرس كل الدروب قنب والاقيكي نجيمة تضوي قدامي  اماسي سنيني وايامي  قوفل الشوق تقوم ترحل  عديل قاصداكي مابتتعب والاقيكي جروف امالي قاصداني  وايديك ممدودة خاتفاني  وعلي كفيكي شايلاني  تجاه بر الامان مركب والاقيكي افتشلك سراب صيف مادنا وقرب  قطع نفس الامل حسرة  مباري وما انقطع عشمو  وفقد راس خيتو واتوهدب والاقيكي سموم الدنيا كتاحة  هجاير فرقتك مره  ومتل اقداري لفاحة  كما الازمان دواليبا  تدور وتدور وتتقلب والاقيكي بكا صخرك عليك يا الخنسا ء ما كفا  تقيد نيرانو جيبت اسمك  يلوحلو علي الطلل رسمك  يفرتق جرتقو ويرحل  يفوت لا سيرة لا زفة  ورحيل لا قبلي لا مذهب والاقيكي وشي امي اليصابحني  وكلام اختي اليفرحني  ووفاء بتي التداعبني  وتكيل فوقي التراب تلعب والاقيكي وتر محزون بكا اتعذب  وكت رمت الهدم ثاكله  جرت ندبت بكت لطمت خدود فجر الغنا الغرب قماري تقوقي احمد الرب  حمدت الرب تسابيحي  غناها يزيل تباريحي اقيف وسط الخلوق عشقان  اغبي واتجرف واطرب والاقيكي ولقاك بالدنيا والفيها  ربيع ما اروع اللقيا  ورحيق ما ابدع السقيا  مقيلي معاك وسط واحة اعيد للفرحة افراحة  سحاب طوالي دار دمعو  ويجود لا غشا لا كضب ...واللاقيكي