ಪಾಂಡುರಂಗ ತತ್ವಾದ ಪಾಲಿಸಯ್ಯ| ಶ್ರೀಪತಿ ವಿಠ್ಠಲದಾಸರ ಕೃತಿ: ಮಧ್ವ ಸಮಾಜದ ವತಿಯಿಂದ ಗಾಯನ ಸೇವೆ | #hublikalakars

ಮಧ್ವ ಸಮಾಜದ ವತಿಯಿಂದ ಗಾಯನ ಸೇವೆ ಪಾಂಡುರಂಗ ತ್ವತ್ಪಾದ ಪಾಲಿಸಯ್ಯ ಕೀರ್ತನಕಾರರು : ಶ್ರೀಪತಿ ವಿಠಲದಾಸರು ಪಾಂಡುರಂಗ ತ್ವತ್ಪಾದ ಪಾಲಿಸಯ್ಯ ಕರುಣದಿ ಪಿಡಿಕೈಯ್ಯ ||ಪ|| ಪುಂಡಲೀಕ ಮುನಿವರದ ನಮಿಪೆ ನಿನಗೆ ನೀ ತ್ವರಿತದಲೆನಗೆ ||ಅ.ಪ|| ವನಜ ಭವಾದಿ ಸಮಸ್ತ ಸುರವ್ರಾತ ವಂದಿತ ಶ್ರೀನಾಥಾ ಪ್ರಣತಾರ್ಥಿಹರನೇ ಕಾಮಿತ ಫಲದಾತ ಮುನಿಗಣ ಸಂಧ್ಯಾತ ನೆನೆವ ಜನರ ಮನದೊಳಗಿಹ ವಿಖ್ಯಾತ ಭುವನಾದಿನಾಥ ಘನಮಹಿಮ ಒಲಿದು ಪಾಲಿಸೆನ್ನ ಮಾತಾ ದಯಮಾಡಿ ತ್ವರಿತ ||೧|| ಸುರತರು ಮಹಿಮನೆ ಭಜಕಾಮರಧೇನು ವಸುದೇವನ ಸೂನು ಧರಣಿಯೊಳಗೆ ನಮ್ಮ ಹಿರಿಯರನುದ್ಧಾರ ಮಾಡಿದ್ಯೊ ಗಂಭೀರ ಹರಿಯೇ ನಿನ್ಹೊರತನ್ಯರನಾನರಿಯೇ ಕೇಳಲೊ ನರಹರಿಯೇ ಖರೆಖರೆ ಭವದೊಳು ಬಿದ್ದು ಬಾಯ್ಬಿಡುವೆ ಪೊರೆಯೆಂದು ನುಡಿವೆ ||೨|| ಬಂದ ಜನರ ಭವಸಾಗರ ಪರಿಮಿತಿ ತೋರಿಸುತಿಹ ರೀತಿ ಛಂದದಿಂದ ಕರವಿಟ್ಟು ಕಟಿಗಳಲ್ಲಿ ಈ ಸುಕ್ಷೇತ್ರದಲಿ ನಿಂತಿಹ ಭೀಮಾತೀರ ಚಂದ್ರಭಾಗ ಅಲ್ಲಿಯ ವೈಭೋಗ ತಂದೆ ಶ್ರೀಪತಿ ವಿಠ್ಠಲ ಸುಖಸಿಂಧು ಅನಾಥ ಬಂಧು ||೩|| #hublikalakars