સ્વામી સચ્ચિદાનંદ | મારા અનુભવો | વાંચવા જેવું પુસ્તક | By Daxa Patel

ગુજરાતના એક વાસ્તવિક અને પરિવર્તન વાદી સંતનું જીવન ઘડતર પરિસ્થિતિઓ અને પ્રસંગોએ કર્યું છે. પોતાની આત્મકથામાં સ્વામી સચ્ચિદાનંદે કેવી રીતે 21 વર્ષની ભર યુવાનીમાં પોતે ઘર છોડ્યું અને સ્વામી સચ્ચિદાનંદ બનવા સુધીની સફરની વાતો આ પુસ્તકમાં જણાવવામાં આવી છે. એક સાચા સંતે પોતે ભગવો ધારણ કરે પછી પોતાના સંબંધોનું વમન કરવાનું હોય છે એ જ આશયે તેમને પોતાની આત્મકથામાં પણ પોતાના કુટુંબ અને પોતાના કુળ અને મૂળ વિશે સામાન્ય માહિતી આપી અને પોતાની વાત પૂરી કરે છે. પરંતુ રજકણમાંથી સૂરજ બનવાની તેમની સફર ખૂબ જ રસપ્રદ રહી. પોતાના જીવનની વરવી વાસ્તવિકતા બતાવી તેમાંથી લોકો કંઈક બોધ ગ્રહણ કરે, એવા આશયથી સ્વામી સચ્ચિદાનંદ એ તેમની આત્મકથા આપી છે.