Protesta e 19-të në Tiranë/ Qytetarët i zënë “pritë” Ramës në Kuvend

Vetëm pak minuta pasi në Kuvend u miratua me 84 vota pro amnistia penale, ku i pranishëm në seancë ishte dhe kryeministri Edi Rama, protestuesit prej orës 19:00 u mblodhën para parlamentit. Kjo e sotmja, 18 qershor, shënon ditën e 18-të të protestës në kryeqytet. Kërkesa kryesore e protestuesve është ndalimi i investimit në zonën e Zvërnecit. Me pankarta, flamuj dhe thirrje ata kërkojnë edhe shfuqizimin e Paktës së Maleve, ndryshimin e ligjeve për zonat e mbrojtura e deri në dorëheqjen e kreut të qeverisë Edi Rama. Gazetari i Klan News. Enkel Xhangoli raporton se deputetët e mazhorancës u pritën me thirrje dhe fishkëllima nga protestuesit. Duke iu drejtuar me thirrjet “iu erdhi fundi”, protestuesit u kërkuan deputetëve që të largohen nga Partia Socialiste. Ndërkohë që në terren ndodhet policia dhe garda, për të shmangur çdo konflikt apo incident të mundshëm. Deri më tani nuk raportohen incidente dhe nuk ka asnjë indicie për të pasur përplasje me efektivët e policisë. Sipas raportimeve të gazetarit Xhangoli i cili ndodhet në terren, kjo portestë ka qenë e paparalajmëruar dhe forcat e rendit nuk ishin në dijeni. Hyrja kryesore e Kuvendit u bllokua nga protestuesit, ndërkohë që një pjesë e tyre u vendosën në bulevardin para Kryeministrisë, i cili ka qenë vendi i përhershme për të 18-ën ditë të radhazi ku protestuesit kanë zhvilluar tubimin e tyre, për të vazhduar më pas me marshimin në rrugët e kryeqytetit. “Edi Rama dorëhiqu” "Rama në burg, Berisha në burg" “Lini Mandatet” “Iu erdhi fundi” “Shqipëri e Re” janë thirrjet më të shpeshta të protestuesve. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan