Orange Farming | इस्त्रायली तंत्रज्ञानासह संत्रा लागवडीची संपूर्ण माहिती | Krishi Network

जमीन मध्यम व उत्तम निचरा होणारी १ ते १.५ मीटर खोल, खाली कच्चा मुरुम असणारी जमीन असावी. सामू ६.५ ते ७ असावा. जमिनीतील पाण्याची पातळी २ ते ३ मीटर खोल असावी. जमिनीचा उतार २ ते ३ टक्क्यांपेक्षा जास्त नसावा. मुक्त चुनखडीचे प्रमाण १० टक्केपेक्षा कमी असावे. हवामान कोणतेही फळपीक करावयाचे झाल्यास तांबूस जमीन ज्याच्यामध्ये लोहाचे प्रमाण जास्त, चिकन मातीचे प्रमाण कमी, (कोणत्याही हवामानामध्ये) जेथे तापमाना साधारण ७० डी. ते १०० डी. फॅरनाइटच्या प्रमाणात असते व पाऊसमान साधारण ३० ते ४० इंचापर्यंत असते. अशा ठिकाणी हे पीक करता येते. लागवडीची पद्धत माती, शेणखत आणि एक किलो सिंगल सुपर फॉस्फेट यांच्या मिश्रणाने खड्डा भरावा. चांगला पाऊस झाल्यावर लागवड करावी. रोपवाटिका सौरऊर्जेद्वारे जमिनीचे निर्जंतुकीकरण करण्यासाठी अतिनील किरणांना प्रतिरोधक अशा पारदर्शक पॉलिथीनचा (१०० मायक्रॉन जाडी) वापर करावा. रोपे तयार करण्यासाठी ताज्या रंगपूर लाइम किंवा जंबेरीच्या बियांना कार्बेन्डाझीमची (दोन ग्रॅम कार्बेन्डाझीम प्रति किलो बियाणे) बीजप्रक्रिया करावी. खुंटाचे बियाणे गादीवाफ्यावर पेरावे. सप्टेंबर-ऑक्टोबर महिन्यात बियांची पेरणी करावी. बी पेरताना करताना दोन ओळीतील अंतर सहा सेंटीमीटर आणि दोन रोपातील अंतर दोन सेंटीमीटर राहील, याची काळजी घ्यावी. रोपे पिशवीत तयार करण्यासाठी काळ्या पॉलिथीन पिशव्या निर्जंतुक केलेल्या पॉटिंग मिश्रणाने भराव्यात. प्राथमिक रोपवाटिकेतून काढलेल्या रोपांची मुळे कार्बेन्डाझीमच्या द्रावणात (एक ग्रॅम कार्बेन्डाझीम प्रतिलिटर पाणी) १० मिनिटे बुडवून ठेवावीत. रिमझिम पावसात रोपांची लागवड दुय्यम रोपवाटिकेत करावी. नोव्हेंबरच्या शेवटच्या आठवड्यापासून ते डिसेंबर-जानेवारीपर्यंतचा कालावधी डोळा बांधणीसाठी योग्य समजला जातो. डोळा कांडी ही चालू हंगामातील असावी. तिला कमीत कमी ५ ते ९ कोवळे डोळे असावेत. काडीवर पांढुरक्या उभ्या रेषा आलेल्या असाव्यात. डोळा बांधणी जमिनीपासून साधारणत: ३० सें.मी. उंचीवर करावी. कलमे तयार करण्यासाठी घेण्यात येणारे डोळे ज्या मातृवृक्षापासून घेण्यात येतात तो मातृवृक्ष सशक्त, रोगमुक्त, जातिवंत असावा, तसेच नियमित बहार देणारा, फळे घट्ट व आकार मोठा, पातळ सालीची आणि कमी बियांची असावीत. खुंट रंगपूर लाइम या खुंटाची शिफारस भारी जमिनीत तर जंबेरी खुंटाची शिफारस मध्यम ते हलक्या जमिनीतील लागवडीसाठी आहे.. रोपवाटिकेत रंगपूर लाइम या खुंट रोपांची शाखीय तसेच डोळे बांधणीयोग्य अशी वाढ होण्याकरिता रोपांवर जिबरेलिक आम्लाची २५ मि.लि. ग्रॅम प्रति लिटर पाणी किंवा एक टक्का युरीयाची (१० ग्रॅम युरिया प्रति लिटर पाणी) स्थानांतरानंतर ४५ दिवसांनी प्रथम आणि त्यानंतर ३० दिवसांच्या अंतराने गरजेनुसार फवारण्या कराव्यात.. जंबेरी व रंगपूर खुंटावर डोळे भरलेल्या नागपूर संत्र्याच्या कलमांची अधिक वाढ होण्यासाठी आणि मर कमी करण्यासाठी ७० टक्के सावली करणार्‍या शेडनेटचा वापर करावा. आंतरपिके : संत्रा बागेत पाच वर्षांपर्यंत आंतरपिके घेता येतात. खरिपात सोयाबीन, उडीद, मूग किंवा भुईमूग लागवड करावी. त्यानंतर रब्बीमध्ये हरभरा लागवड करावी. नवीन बागेत कपाशीचे आंतरपीक घेऊ नये. बागेत बोरुचे पीक फुलोर्यायवर येताना जमिनीत गाडावे. खत व्यवस्थापन : शिफारशीनुसार रासायनिक खतांंची मात्रा द्यावी. बहाराचे नियोजन : कमी तापमान आणि उन्हाळ्यातील अधिक तापमान (कडक उन्हाळा) यामुळे झाडाची वाढ थांबते. झाडे विश्रांती घेतात. मृग बहार घेण्यासाठी झाडांना ताण द्यावा लागतो. जास्त ताण झाल्यास झाडावर अनिष्ट परिणाम होऊन झाडे सुकतात.मध्यम जमिनीत लागवड केलेल्या झाडास ५० दिवसाचा ताण (२५ एप्रिल ते १५ जून) दिल्याने संत्रा झाडांना फुलोरा भरपूर येतो आणि अधिक उत्पादन मिळते. हिवाळ्यातील तणाच्या कालावधीत पाऊस पडल्यास लगेच दुसर्‍या दिवशी १००० पी.पी.एम. प्रमाणात क्लोरमेक्वाट क्लोराइडची (एक ग्रॅम प्रतिलिटर पाणी) फवारणी करावी. पाण्याचे व्यवस्थापन : सिंचनाच्या पाण्यात क्लोरीन १५०-२०० पीपीएमपेक्षा कमी, विद्युत क्षारता ०.२५ पेक्षा कमी (मिलिमोज प्रति सें.मी.) आणि सोडियम शोषूण घेण्याची क्षमता आठ पेक्षा कमी असावी.सूक्ष्म सिंचनात ठराविक मर्यादेपर्यंत खारवट पाणी ताज्या पाण्याबरोबर मिसळून वापरता येते. कीड काळी व पांढरी माशी सायला पाने खाणारी अळी. खोड पोखरणारी अळी. साल खाणारी अळी. ऑक्टोबर ते मे या काळात प्रादुर्भाव दिसून येतो. फुलकिडे कोळी काढणी आंबिया बहाराच्या फळांची तोडणी ३० नोव्हेंबर आणि मृग बहाराची तोडणी ३१ मार्चच्या आत करावी. साठवण साठवणुकी आधी फळांचे तापमान कमीत कमी वेळात शीतगृह तापमानाएवढे आणणे गरजेचे असते. यासाठी सतत थंड हवेच्या झोतामध्ये शीतगृह तापमानात (संत्रा-मोसंबी ६ ते ७ अंश सेल्सिअस), तसेच ९० ते ९५ % आर्द्रतेमध्ये ८ ते १० तास ठेवल्यास साठवणुकी दरम्यान किंवा वाहतुकी दरम्यान होणारे नुकसान कमी होते. फळगळीवर नियंत्रण अन्नद्रव्यांची कमतरता, हवामानातील बदल, संजीवकांचा अभाव, संत्राबागेत साचलेले पाणी आणि रोगांचा प्रादुर्भाव यामुळे संत्रा फळाची गळ होते. फळगळ थांबविण्यासाठी शिफारशीनुसार अन्नद्रव्यांच्या मात्रा द्याव्यात. फेब्रुवारी, मार्च आणि ऑगस्ट-सप्टेंबरमध्ये १० पीपीएम प्रमाणात एन.ए.ए. ची (१० मिलि ग्रॅम प्रतिलिटर पाणी) फवारणी करावी. बागेत साचलेले पाणी चर खोदून बाहेर काढावे. जुलै महिन्यात एक ग्रॅम कार्बेन्डाझीम प्रति १० लिटर पाणी याप्रमाणे फवारणी करावी. . . . जानें अन्य फसलों के विषय में, जुडें लाखों किसानों से कृषि नेटवर्क ऐप पर एंड्रॉइड ऐप डाउनलोड करें :👇 https://play.google.com/store/apps/de... . . . फेसबुक पर-   / krishinetwork   टेलीग्राम पर- https://t.me/krishinetwork . . . #OrangeFarming #KisanSampark #KrishiNetwork