Фер плеј со Јана - Куп на перформери

Во оваа епизода ви откриваме во која смисла спортот и уметноста – односно сценските уметности, можат да бидат под иста капа. Наша тема е „Купот на перформери“ натпреварување за сценски изведувачи, каде тие добиваат оценки и соодветно – медали на национално, регионално, европско и светско ниво. Ви претставуваме како и каде се одржува ова натпреварување, организирано под капата на Интернационална Федерација на изведувачи на сценско- спортски уметности – „FIPASS“, признаена од Интернационалниот Олимписки Комитет. Наши гости во студиото се: Лина Ѓорчева – музичар, комуниколог, дел од тимот на „FIPASS“ и координатор на натпреварувањето во Македонија и регионот. Валентина Спампинато, Италија – балерина, ТВ водител, Претседател на „FIPASS“ и, македонските натпреварувачи кои се закитија со медали на Европското првенство за сценско спортски уметности: Софија Неданоска, Јован Маџовски и Александра Трајческа.