شيوخ العفو - خالد ال بريك - نامش بن عليان - من عيال كليب ربعي ماحد يلحق مداها 2025 حصرياً

بااسم من يعلم صدور الخلق وش تخفي وراها عالم جهر العباد وعالم غيب السريره نبتدي بااسمه ورحلتنا على اول مبتداها ياالاهٍ نرتجي مدة يديه ونستجيره يابنات الفكر ابي لي ذايرٍ محدٍ رماها جافلٍ عن رمية القناص دايم مستذيره في طرف محمية محدٍ من الشعار جاها في الشواهيق الطوال الي مراقيها عسيره زان بدع الشعر في الي سمعته كل قراها حط له في صفحة التاريخ والامجاد سيره القريحه في جناب اهل الوفاء تعلن ولاها واجب الشاعر يوردها مواريدٍ غزيره وقفة سفيران يفنا كل جيل ما نساها العفو عند الله اضعافه لمن يعفي كبيره ياسفيران انت فخر للقبيله واومراها وانت امير العفو كان الناس قالو وين اميره يعتق الارواح شيخ وقفته يذري ذراها وانت من كمّل حقوق الجار ومزبن قصيره خلد التاريخ بااسمك وقفة يبقا صداها والله ان البيض ترفع لك وفاء في كل ديره روسنا شاشت وعانقنا الثريا في سماها من فعول تجعل الشاعر يعبر عن ضميره انت معروفك كبير ووقفتك كل يراها مكتسيك الفعل الابيض مسكه ونفحة عبيره من بني هزر الدهاه الي تزبن من نصاها الذخيرة كان جار الوقت واحتاج الذخيره عزوة دايم مواقفها يشوّقنا نباها عزوة الصاري تذيع المجد في شبه الجزيره روس قوم يامن الخايف ليا جاء في حماها يوم ضربات الرماح ويوم دقلات المغيره من عيال كليب ربعي ماحد يلحق مداها كل يوم نجدد التاريخ بااسمانا الشهيره ان عطينا نعطي الارقاب والله الي عطاها ما طمعنا في قليل المال ولا في كثيره افتخر بااسماء عيال كليب وافخر من وفاها للخوي بلسم كبود وللعدا نار سعيره والمدح في الي فعول الطيب جمل واحتواها هو سفير الطيب كان الطيب قالو من سفيره في نبا علوش بن عايض نفاخر ونتباها سيفنا الي كل ما كبرت نسله من جفيره سمعته نار على راس العلم يجذب سناها كل يوم يزيد فعل الطيب زاد الله خيره الجميله كل ما تاحت له الفرصه خذاها عاشق بيض الفعول وعاشق الوضحى النضيره والمدايح لا لَقَت رجلٍ يليق بمسْتواها ودّها به ما تبي من ساير العربان غيره نامش بن عليّان