Mitsubishi Triton Athlete សម្ពោធជាផ្លូវការនៅកម្ពុជា - by Square Car

ចង់ដឹងថា All-New Triton Athlete ជំនាន់ថ្មីនេះ ផ្លាស់ប្តូរបានឡូយ និងទំនើបកម្រិតណា កុំរំលងវីដេអូនេះឱ្យសោះ! សួស្ដីបងប្អូន និងប្រិយមិត្តរបស់ Square Car ទាំងអស់គ្នា! នៅក្នុងវីដេអូពិសេសយប់នេះ ពួកយើងនាំអារម្មណ៍បងប្អូនមកទស្សនាព្រឹត្តិការណ៍សម្ពោធជាផ្លូវការនៃស្ដេចឡានភីកអាប់ដែលគ្រប់គ្នាកំពុងទន្ទឹងរង់ចាំ នោះគឺ All-New Triton Athlete ជំនាន់ថ្មីស្រឡាង! លើកនេះ មិនត្រឹមតែផ្លាស់ប្ដូររូបរាងថ្មី ទាំងកាច ទាំងប្រណីតផ្ដាច់គេប៉ុណ្ណោះទេ ថែមទាំងមកជាមួយសមត្ថភាព និងប្រព័ន្ធបច្ចេកវិទ្យាទំនើបកប់ស៊េរី គ្រឿងក្នុងប្រណីតដាច់គេដូច SUV លំដាប់ខ្ពស់។ តោះ! ទៅទម្លាយចំណុចខ្លាំង និងសមត្ថភាពពិតរបស់ស្ដេចភីកអាប់នេះជាមួយ Square Car ទាំងអស់គ្នា! 🛠️ សមត្ថភាព និងចំណុចលេចធ្លោ (Key Features)៖ 💪 Bolder Capability (សមត្ថភាពបើកបរដ៏អស្ចារ្យ)៖ បំពាក់ដោយម៉ាស៊ីន Bi-Turbo Hyper Power ម៉ាស៊ូត 2.4L ខ្លាំងបំផុតក្នុងកម្រិតថ្នាក់របស់ខ្លួន ដែលផ្តល់កម្លាំងរហូតដល់ 204 PS និងកម្លាំងរមួល 470 Nm! រួមផ្សំជាមួយប្រអប់លេខស្វ័យប្រវត្តិ 6 វគ្គ និងចង្កូតអេឡិចត្រូនិច (Electronic Power Steering) ដ៏ធូររលូន។ ប្រព័ន្ធ Super Select 4WD-II ជាមួយរបៀបបើកបរ 7 ជម្រើស និងកម្ពស់ខ្ពស់ពីដី 228 mm អាចឱ្យរថយន្តឆ្លងកាត់ជំនន់ទឹកភ្លៀង និងផ្លូវខេត្តដ៏លំបាកបានយ៉ាងងាយស្រួល។ 🛡️ Bolder Confidence (ប្រព័ន្ធសុវត្ថិភាព និងទំនុកចិត្តខ្ពស់)៖ ប្រព័ន្ធសុវត្ថិភាពឆ្លាតវៃត្រូវបានធានាដោយ ADAS Package B និងពង្រឹងពោងសុវត្ថិភាពរហូតដល់ 8 SRS គិតគូរឡើងដើម្បីស្តង់ដារសុវត្ថិភាពកំពូល 5-star ASEAN NCAP។ ប្រព័ន្ធកាមេរ៉ា 360° Multi-Around Monitor មើលឃើញមួយជុំឡានច្បាស់ៗ។ ម៉ាស៊ីន Bi-Turbo ថ្មីនេះ សន្សំសំចៃប្រេងខ្លាំង ត្រឹមតែប្រហែល 7.7 L/100km សម្រាប់ការបើកបរគ្រប់ស្ថានភាពផ្លូវ។ កក់ក្ដៅចិត្តទ្វេដងជាមួយសេវាកម្មក្រោយការលក់ទូទាំងប្រទេស ដោយអ្នកបច្ចេកទេសហ្វឹកហាត់តាមស្តង់ដាររោងចក្រ និងគ្រឿងបន្លាស់សុទ្ធ ១០០%។