جداد المدايح | خالد بريك & علي بن جرمان

لايك للفيديو + إشترك معنا subscribe + Like ‎فعل الجرس 🛎 ‎ليصلك كل جديد✔️ .. " " غارت نجومٍ تسامر فاقد احبابه في ليلةٍ موحشه سمّارها قلّه مابين باني طموحٍ يتبع اسبابه ولا محبٍ شكى الهجران من خلّه وابركهم اللي تغانم ساعة إجابه يطلب عفو من يهدِي العبد ويضلّه الوقت لا تامنه بـ يدور دولابه كم مملٍ به عقب ما دار به ملّه اليا بغيت اتقّي ويش اتتقى به ياوين بلقى العذر من اسـمٍ اشلّه لا صرت مع مجمل العربان متشابه عز الله إني سمحت من العمر كلّه إن مت مت بشرف وإن عشت بـ احيابه عيشة عزيزٍ ماوقّف موقف الذلّه يوم الضعيّف مابين الناس ملعابه اللي ما يفرق صديقه من عدوٍ له راسٍ حمايا العرب ماهيب تنتابه الطيب يحرم عليه وتحرم الدلّه وإن جاء مجال الممارى وانفتح بابه افخر وكلّي ثقه وحجاجي افلّه الناس من واثق الخطوات مرتابه يمشي ملك .. والحسود يموت في غلّه واللي يوقّف لها الشاعر على أعصابه جتني على جرّة المسباح منتلّه ياكثر ما جاء بنات الفكر خطّابه وعيّت من اللي خطب وتقول لي قلّه مظاهر الناس خدّاعه وكذّابه ما ابغى سوى النادر اللي طيبه جبلّه ما تطمح الا لشيخٍ تـعرف انسابه جرمانيٍ مستحق من الثنا جلّه في المعضله والنوايب يحسب احسابه بو راشد اللي يعقد الأمر ويحلّه يلبس جداد المدايح لبسه ثيابه في كل يوم وله فعلٍ يسجلّه الابلج اللي ما سمّع ربعه عتابه يقبر خطايا الرفيق ويطمر الزلّه راسٍ ملاه السطر وأخصامه تهابه وصفوة بني عمّه تقدّره وتجلّه اللي يعاديه ينسى ما تهقوابه يمسي على غبنه ويصبح على علّه مقصرّ هقوة اللي يفتل اشنابه عوق الطماميع ابن جرمان عبدالله اشرّ منهو على العدوان يدعابه وآخير من يفعل المعروف في حلّه يفرق حضوره مثل ما يفرق غيابه في صف حرز الطرف سهّاجة الحلّه يضحك لي الوقت لا منّه ضحك نابه ياسعد منهو على الشدّه حزامٍ له وشلون ما افخر واماري واتباهى به والانودي ودّه ان مثله قريبٍ له ياجعل عمره مديدٍ ويـتهنّابه على كثر ما قضى نبّ وستر خلّه سميّ شيخٍ طهومٍ ماله مشابه ياليت بـ إن هادم اللّذات ممهلّه قفّى به الموت عنّا واقفت ركابه وشفناك ياصامل الهدّه شبيهٍ له وبوك راشد سديد الفعل والجابه بشته يضلّ البلد والقيف في ظلّه جرز المواقف يا كم قد خلّص إطلابه فعله مشرّف ووقفاته شهودٍ له من ال جرمان ساس العرف وأصحابه فصل الحجج منتهى الحق ومقـّـرٍ له روس ومقاديم قوم وواجهة لابه اكابرٍ يلبسون من الفخر حلّه من عـزوةٍ عـبّر التاريخ بإعجابه عنهم .. بكلّ اعتزاز ودامغ أدلّه صبيان ناهس دروع الشرق وحجابه بدهمٍ تهاذب وحدّ مذلّق السلّه نَشرع لنا سلم والعالم تقدّابه ويرجع لنا العارف اليا ضاع وندلّه ونفخر على الناس في فعلٍ فرقنا به من دون بيت الله وفي نصرة الملّه #اكسبلور #اكسبلور #شيلات #مدح #بريك #خالد_بريك #شعر #ترند #تصويري