“Llapa-qorrët”, Rama: Shumë shpejt do ketë investim madhor mes Kavajës e Durrësit

Kryeministri Edi Rama ndodhet në Fier në 35-vjetorin e PS-së. Në fjalën e tij, kryeministri deklaroi se Fieri ka qenë dhe mbetet kryeqyteti i socialistëve. “Fieri ka qenë dhe mbetet kryeqendër e socialistëve, kjo dihet. Por grupit të Fierit e kam pasur të vështirë t’ua mbush mendjen. Por në fund ua mbusha mendjen. Kush ua mbush mendjen socialistëve, mund të thotë se ka me vete kryeqytetin e socialistëve. Dashuronin shokun Fatos dhe e kisha të vështirë të depërtoja tek ky grup. Rajmonda në fund u dorëzua e më njohu si kryetar. Vijmë aty ku thashë, Fieri është kryeqyteti i socialistëve”, tha Rama. Më pas, komentoi dhe protestën në Tiranë. Tha se PS ndaloi gjuetinë dhe shfrytëzimin e pyjeve. Kritikoi sërish influencerat. “Prej disa ditësh ka protesta në Tiranë. Por, ne e ndryshuam Shqipërinë. Në të gjitha lagunat tona, flamingot gjuheshin me armë zjarri. Në Karavasta, pelikani kaçurrel u masakrua. Në Shqipëri lejohej gjuetia, derisa ne ndryshuam ligjin. Këto gjëra i dinë të gjitha institucionet, që merren me jetën e egër. Pyjet nga 2013 janë ripërtërirë, që ishin bërë territore, që edhe ujqërit kishin nisur të pakësoheshin. Kriminelët vrisnin ujqërit për sport. Nuk mund të bësh teknikën, që të na thuash ‘ik nga qeveria’. PS e ka bërë Shqipërinë një vend, ku është vendosur në mbrojtje Vjosa, që është shpallur edhe park kombëtar. Në Vjosë bëheshin hidrocentrale para vitit 2013. Njerëzit e Bjeshkëve u masakruan pas atij dhe as rrugën nuk ua bëri ai që drejtoi. Këta llapaqorrat çdo gjë ia hedhin në kurriz PS-së. Shqipëria drejton organizatën Europe Forest dhe nuk mund ta drejtonte, nëse vendi ynë do ishte vendi i tillë, ku kafshët do masakroheshin. Shqipërinë e mbështeti Gjermania e Mbretëria e Bashkuar. Protestojnë për mjedisin e flamingot dhe parkojnë makinat në rërë. Dalin në Instagram me kremërash, me lloj-lloj rrobash. Jam në Toskana, ju përshëndet nga Parisi. Bëjnë uu, uuu, uuuu. Kjo është, të kesh dy b****, një ta mbash e një ta çash ”, u shpreh Rama. Më pas, ironizoi edhe protestuesit. Tha se një protestues ka thënë se problemi është edhe në Darëzezë, jo vetëm në Zvërnec. “Doli njëri dhe tha se nuk është problemi vetëm në Zvërnec, por problemi është në Darëzezë. PS është zgjedhur për të qeverisur dhe jo për të ndjekur të tjerët. Po një socialisti, i kishte ikur e dashura në protestë dhe arsyeja ishte se donte like. I kishte thënë të dashurit ‘do marr like unë dhe i marr në protestë, ti nuk shihesh me sy, nuk merr like’”, deklaroi Rama. Ngriti pyetjen se përse proteston Tirana dhe jo Vlora. Deklaroi se shumë shpejt do ketë investim madhor mes Kavajës dhe Durrësit. “Pse proteston Tirana dhe jo Vlora? Se fundja Zvërneci është i Vlorës. Por sa di unë nuk ka blogerë Vlora, por ka heronj e dëshmor. Vlonjatët do e kishin kapur, do ua kishte thënë instikti politik që ‘shiko’. Kush dëshiron të ketë turizëm këtu, nuk e diskuton që do turizëm. Të tjera investime kaq të mëdha do i sjellim Shqipërisë. Shumë shpejt do shikoni, do sjellim investim të madh mes Kavajës dhe Durrësit. Pse nuk duhet të bëjmë investime? Pse shqiptarët duhet të shikojnë me zili me Malin e Zi, që është sa Fieri. Atje jeta është ku e ku”, u shpreh Rama. /tvklan.al SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan #EdiRama #Fier #PartiaSocialiste #PS #35VjetPS #Socialistet #Shqiperia #Politike #Protesta #Tirane #Zvërnec #Darëzezë #Vlora #Mjedisi #Flamingot #Karavasta #Vjosa #ParkKombetar #Turizmi #Investime #Kavaje #Durres #Aktualitet #Lajme #AlbaniaNews #Shqiperia2030