Танымал әншілер жарнамалаған лотереяға алдандық деген жұрт соттың алдында айқайға басты

Бүгін Алматы қалалық соттың алдына әншілер ойнатқан лотереяға алдандық деген жүз шақты адам әділдік сұрап жиналды. Олар Роза Әлқожаның лотереясына, Ақбота Керімбекованың гивіне, Жазира мен Жанболат жасаған жарнамаға сеніп ақша салып қатысып едік дейді. Кейін не ақшаны, не ұтысты көрмедік, тіпті сыйлықтары да жалған болып шықты дейді. Жұлдыздар жасаған жарнамаға сеніп, барымызды беріп, гивке қатысып бармақ тістедік деген жүз шақты адам бүгін Алматы қалалық сотының алдына әділдік сұрап келді. Олар халықты жалпы сомасы 200 миллион теңгеге алдаған Жазира мен Жанболат, Ақбота Керімбекова, Роза Әлқожа, Ернар Айдар сынды әншілердің әлі бостандықтан жүргеніне наразы. АЛМАГҮЛ ӘСКЕРБЕКҚЫЗЫ, шағымданушы: – Мына Роза Әлқожаның телевидениеден ойын ойнатып жатқан соң мен ойнына бір үмітім болды да кішкене ұтып қаламын ау деген. Апай сіздің ойыныңыз бітті десе мен түсінер едім. Телефон в общем алмайды ғой. Ал елді алдаған әншілердің кінәсін дәлелдемек болған адвокат Тілеужан Кішкенебаевты сот лицензиясынан айырды деп отыр. Ал бұған аты аталған әншілер мен мәдениет саласында лауызымды қызметте отырған жұлдыздардың да қатысы барына жиналғандар сенімді. АБАЙ ЖАРЫЛҚАСЫН, Алматы қалалық соты баспасөз қызметінің басшысы: – Кінәлі деп таныған. Сот үкімімен оған 220 айлық есептік көрсеткіш сомада 499 мың теңге айыппұл салынды. Сонымен қатар, ол адвокаттың қызметі атқарудан үш жылға айырылған болатын. ТІЛЕУЖАН КІШКЕНЕБАЕВ, Қорғаушы: – Алматы қаласы экономикалық тергеу департаменті қылмыстық істі қайта-қайта жауып тастап, әншілерге қатысты ешқандай іс қозғалмағаннан кейін мен тергеушілерді осы Алматы қаласында тергеу соты деген бар, соған шағымданған болатынмын үстерінен. Содан кейін тергеушілер маған қатысты сол Экономикалық тергеу департаменті маған қарсы іс қозғап отыр. ӘЛІБЕК ШЫНТЕМІР, Тілші: – Жұлдыздар жарнамалаған соң лотерея ойындарына алдандық дегендердің саны күн санап артып, жүзге жетіпті. Ал оларды қорғаймын деп араша түскен адвокаттың өзін лицензиясын айырылған екен. Бірақ қорғаушы бүгін сотқа аппеляция бергенімен сот істі кейінге қалдырыпты. Әлібек Шынтемір, Думан Сүлейменов Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #алаяқтық #ГИВ #инстаграмм #лоторея