श्रीशंकराचार्यकृतं देव्यपराधक्षमापनस्तोत्रं न मन्त्रं नो यन्त्रं वाचन सरू गुरागाईँ

देव्यपराधक्षमापनस्तोत्रम् वाचन: सरू गुरागाईँ सङ्गीत संयोजन/अडियो/भिडियो: मुरारि गुरागाईँ विशेष धन्यवाद: प्रा. डा. जयराज आचार्य अथ देव्यपराधक्षमापनस्तोत्रम् न मन्त्रं नो यन्त्रं तदपि च न जाने स्तुतिमहो न चाह्वानं ध्यानं तदपि च न जाने स्तुति-कथा: न जाने मुद्रास्ते तदपि च न जाने विलपनं परं जाने मातस् त्वदनु-सरणम् क्लेश-हरणम् /१/ विधे-रज्ञानेन द्रविण-विरहेणा-लसतया विधेया-शक्यत्वात् तव चरणयोर् या च्युति-रभूत् तदेतत् क्षन्तव्यं जननि सकलोद्धारिणि शिवे कुपुत्रो जायेत क्वचिदपि कुमाता न भवति /२/ पृथिव्यां पुत्रास्ते जननि बहव: सन्ति सरला: परं तेषाम् मध्ये विरल-तरलोऽहं तव सुत: मदीयोऽयं त्याग: समुचित-मिदं नो तव शिवे कुपुत्रो जायेत क्वचिदपि कुमाता न भवति /३/ जगन्मातर् मातस् तव चरण-सेवा न रचिता न वा दत्तं देवि द्रविण-मपि भूयस् तव मया तथापि त्वं स्नेहं मयि निरुपमं यत् प्रकुरुषे कुपुत्रो जायेत क्वचिदपि कुमाता न भवति /४/ परित्यक्ता देवा विविध-विध-सेवा-कुलतया मया पञ्चाशीते-रधिक-मपनीते तु वयसि । इदानीं चेन् मातस् तव यदि कृपा नापि भविता निरालम्बो लम्बोदर-जननि कं यामि शरणम् /५/ श्वपाको जल्पाको भवति मधुपाको-पम गिरा निरातङ्को रङ्को विहरति चिरं कोटि-कनकै: तवापर्णे कर्णे विशति मनुवर्णे फलमिदं जन: को जानीते जननि जपनीयं जपविधौ /६/ चिता-भस्मा-लेपो गरल-मशनं दिक्पट-धरो जटाधारी कण्ठे भुजग-पति-हारी पशुपति : । कपाली भूतेशो भजति जगदीशैक-पदवीं भवानि त्वत्पाणि-ग्रहण-परिपाटी-फल-मिदम् /७/ न मोक्षस्या-काङ्क्षा भव-विभव-वाञ्छाऽपि च न मे न विज्ञाना-पेक्षा शशिमुखि सुखेच्छापि न पुन: अतस्त्वां संयाचे जननि जननं यातु मम वै मृडानी रुद्राणी शिव-शिव-भवानीति जपत: /८/ नाराधितासि विधिना विविधोपचारै किं रुक्ष-चिन्तन-परैर् न कृतं वचोभि : श्यामे त्वमेव यदि किञ्चन मय्यनाथे धत्से कृपा-मुचित-मम्ब परं तवैव /९/ आपत्सु मग्न: स्मरणं त्वदीयं करोमि दुर्गे करुणार्णवेसी नैतच्छठत्वं मम भावयेथा: क्षुधा-तृषार्ता जननीं स्मरन्ति /१०/ जगदम्ब विचित्रमत्र किं परिपूर्णा करुणास्ति चेन्मयि अपराध-परम्परा-वृतं न हि माता समुपेक्षते सुतम् /११/ मत्सम: पातकी नास्ति पापध्नी त्वत्समा न हि एवं ज्ञात्वा महादेवि यथायोग्यं तथा कुरु /१२/ इति श्रीशंकराचार्यकृतं देव्यपराधक्षमापनस्तोत्रं सम्पूर्णम्