सद्गुरू भाऊ महाराज करंदीकर यांची आरती

||नमो गुरवे वासुदेवाय||  ||नमो गुरवे निळकंठाय||  परमहंस परिव्राजकाचार्य श्री वासुदेवानंद सरस्वती स्वामी महाराज यांचे पादुकास्थान म्हणजेच ओम सद्गुरू प्रतिष्ठान. या स्थानाचे संस्थापक सद्गुरू भाऊ महाराज करंदीकर ज्यांनी अथक परिश्रम घेऊन आपल्या भक्तीने, महाराजांवरील दृढ श्रद्धेने, साक्षात परमहंसांना या स्थानावर विराजमान केले. आणि म्हणून सद्गुरू भाऊ या स्थानाला महाराजांचे निवासस्थान म्हणत. आजही स्वामी महाराजांची पवित्र स्पंदने इथे जाणवतात त्याचे कारण इथे स्वामी महाराजांचा निश्चित स्वरूपात वास आहे म्हणून!. अशा थोर विभूतीच्या परम भक्ताचे (सद्गुरू भाऊ महाराज करंदीकर यांचे) मूर्ती स्थान याच स्थानावर व्हावे हे केवळ त्यांना त्यांच्या गुरु ने दिलेला शुभाशीर्वाद आहे. ह्या मुर्तीस्थानावर आपण दर सोमवारी, संध्याकाळी ७.०५ वाजता आपल्या सद्गुरूंची, अर्थात सद्गुरू भाऊ महाराजांची आरती करतो. ही आरती आज, सोमवार, ३ मे रोजी संध्याकाळी ७ वाजून ५ मिनिटांनी आपल्या ओम सद्गुरू प्रतिष्ठान च्या अधिकृत फेसबुक पेज वरून लाईव्ह करण्यात आली