爆蕭正楠知BB性別後激動落淚 黃翠如享受陀B奇妙感覺

爆蕭正楠知BB性別後激動落淚 黃翠如享受陀B奇妙感覺 黃翠如、蔡潔、林家謙、黃智雯、衛詩雅（Michelle）日前現身澳門一個活動，呢次係翠如宣布有喜後首次公開亮相。雖然翠如冇揭曉孕期週期同預產期，但滿臉洋溢幸福笑容嘅佢就同大家講，而家BB足夠健康！ 至於講到BB性別，翠如話自己係最先知道嘅人，感覺同BB擁有一個秘密好幸福。被老公蕭正楠（Edwin）追問都唔肯講，後來見Edwin冇再追問，自己又覺得Edwin好慘，最後同咗老公講。當Edwin知道BB性別時更激動落淚，二人目前打算繼續保密，連父母都未知。 翠如懷孕初期會乖乖留喺屋企，過咗最辛苦時期就覺得好悶。翠如形容陀B感覺奇妙，好似有個波喺肚內，經常有好多搞笑事發生，例如自己唔記得陀緊BB，瞓覺時動作太大會醒起陀緊B。翠如仲話老公經常同BB講嘢，更借同BB傾偈為名、實質投訴翠如為實。 翠如分享喜訊時亦自揭曾經流產經歷，所以自己唔想有太大壓力，等安定後先再同大家報喜。兩夫妻同樣因為新生命而變得感性，尤其Edwin經常同BB提到天上嘅爸爸，講講吓都會感觸想喊。 蔡潔近日為工作要穿著泳衣而要地獄式極速修身，所以喺活動時所穿著嘅露肩裙亦比試衫時更鬆，證明修身有成效，佢都好希望自己可以一直維持好呢個狀態。 #黃翠如 #蔡潔 #林家謙 #黃智雯 #衛詩雅 #蕭正楠 #破地獄 #拜師 #喜訊 #懷孕 #修身 #感性 #流產 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0