Մադլեն/Աշխարհում հայտնի աղանդերը հեշտ է, երբ գիտես ամեն բան|Բաղադրատոմսն ու տեխնիկան` մանրամասն

խմորի համար 2 ձու 80 գ շաքարավազ 80 գ հալեցված կարագ 92.5%( հեռացնել) 80գ ալյուր 4 գ փխրեցուցիչ 1 պտղ. աղ ցանկացած ցիտրուսային կեղևի քերուկ միջուկի համար ես օգտագործել եմ ազնվամորու ջեմ, կարող եք օգտագործել ցանկացած կրեմ կամ միջուկ ' ըստ ճաշակի։ 15 Մադլենների ձևավորման համար օգտագործվում էր մոտ 200 գ շոկոլադ ( շերտը շատ հաստ չենք անում, որպեսզի թխվածքաբլիթի համն ու նրբությունը չկորցնենք )։ Պատրաստում ենք խմորը -Ձուն թույլ խառնել, ավելացնել շաքարավազ ու նորից թույլ խառնել։ -Այս խմորի մեջ ոչինչ չենք հարում -Ձուն և շաքարավազը միասին դնում ենք գոլորշու վրա, խառնելով թողնում ենք լավ տաքանա, բայց ոչ չափից շատ։ Պետք է լինի մոտ 50 °С: Եթե ջերմաչափ չկա, մատով ստուգեք, պետք է թույլ մատը "կծի"։ _Չոր բաղադրիչները ալյուրի հետ մաղում ենք գոյացած ձվի խառնուրդի մեջ։ -Կարագը հալեցնում ենք, չենք եռացնում։ _գոլ վիճակում կարագը ավելացնում ենք ձվի, շաքարի ու ալյուրի խառնուրդին։ -լավ խառնում ենք, չենք հարում։ -թողնում ենք սառնարանում մի քանի ժամ։ կարելի է մեկ ժամ թողնել, բայց խորհուրդ էր տրվում գոնե 4 ժամ թողնել։ ես նախընտրում եմ մի փոքր ավելի երկար թողնել։ Այս անգամ թողել եմ մի ամբողջ գիշեր։ -Խմորը թխում ենք սառը վիճակում սառնարանից դուրս ենք բերում, արագ տեղավորում ենք կարագ քսած ու ալյուր ցանած կաղապարի մեջ ու արագ դնում ենք ջեռոցը, որը անպայման ՆԱԽԱՊԵՍ ՏԱՔԱՑՆՈՒՄ ԵՆՔ 220-230 աստիճանով։ -Հենց խմորը դնում ենք ջեռոցը, ջերմաստիճանը 20 աստիճանով իջեցնում ենք, թխում ենք մոտ 5-6 րոպե 200-210 աստիճանով։ -5-6 րոպե անց, կամ երբ առագաստները սկսեցին ակտիվ բարձրանալ ( ոչ մինչեւ վերջ), ջերմաստիճանն իջեցնում ենք ու շու 5-6 րոպե շարունակում ենք թխել 170-180 աստիճանով։ Այսինքն, թխվում են ընդհանուր առմամբ մոտ 11-12 րոպեում։ թխելուց հետո անմիջապես դուրս ենք բերում կաղապարներից, որ չխոնավանան։