RENEA demonstron forcën, “aksioni” që u duartrokit nga të gjithë

U zhvillua këtë të premte ceremonia me rastin e 30-vjetort të krijimit të RENEA-s. Të pranishëm në ambientet e forcave speciale në Yzberisht ishin Drejtori i Përgjithshëm i Policisë së Shtetit, Gledis Nano, ministri i Brendshëm, Bledi Çuçi, politikanë etj. Ata u bënë dëshmitarë të një “operacioni” të RENEA-s. Forcat speciale kishin menduar që të demonstronin veprimet e tyre në një situatë të caktuar. Forcat elitë kombinuan taktikat e ndërhyrjes duke nisur nga uji e duke përfunduar me sukses në një ndërtesë. Forcat speciale nisën në vitin 1982 kur u krijua Batalioni 326 i Ministrisë së Brendshme. Fillimisht ky batalion pati detyra antidemonstratë. Efektivët e përzgjedhur për të shërbyer ishin zakonisht ushtarakë profesionistë që vinin nga policia, Garda, ushtria dhe nga zhytësit e Marinës Luftarake. Kjo në fakt do të shërbente edhe si bërthama e mëvonshme për ngritjen e RENEA-s. Në vitet 1990, do të quhej Reparti 326 dhe do të merrte detyra të reja për shkak të rritjes së kriminalitetit. Numri real i forcave RENEA mbahet sekret, por mendohet të jetë rreth 200. Fillimisht ishte i organizuar sipas sistemit ushtarak të Regjimentit 22 Special Air Service (SAS) britanik, me skuadra bazë prej 4 personash. Kjo sepse Policia e Shtetit ishte një organizëm ushtarak dhe ishte parashikuar përdorimi i policisë në rast lufte. Por tashmë reforma e policisë i ka përjashtuar detyrat ushtarake të saj në rast lufte, kështu që edhe RENEA është riorganizuar në këtë frymë, duke marrë si pikë referimi jo më SAS, por njësi evropiane me detyrë ekskluzivisht Rendin Publik si gjermanen GSG-9 (GrenschutzGruppe 9-gruppi 9 i Policisë Federale Kufitare), italianen GIS dhe NOCS, francezen GIGN. Por taktikat e referimit, si për të gjitha njësitë antiterroriste të botës, mbeten ato të SAS./tvklan.al #RENEA #ForcatSpeciale #Elita SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan