YAESUVIN NAAMAM(இயேசுவின் நாமம்)- ANAND CHELAPPA - KJ @

அன்பு அன்பர்களே, இன்று நமது இசை களஞ்சியத்துக்கு திருவாளர். டாக்டர்.ஆனந்த் செல்லப்பா அவர்கள் அமெரிக்காவிலிருந்து அன்பளிப்பாக வழங்கிய 'ஏசுவின் நாமம்" என்ற இசைத்தட்டிலிருந்து "ஏசுவின் நாமம்" என்ற பாடலை பதிவேற்றம் செய்வதில் மிகவும் மகிழ்ச்சி அடைகிறேன்.அவர்கள் என்னிடம் மிகவும் அன்பாக பேசினார்கள்.எனக்கு மிகுந்த மகிழ்ச்சியை கொடுத்தது. நான் பிறப்பதற்கு முன்னாடியே அவர்கள் இசைத்தட்டில் (அதி காலையில்-காரிருள் வேளையில்)பாடியவர்கள்.பழங்கால நினைவுகளை பகிர்ந்து கொண்டார்கள். அவர்களது சகோதரர் டாக்டர் மித்ரன் அவர்கள் என்னை தொடர்புகொண்டு டாக்டர் ஆனந்த் செல்லப்பா பாடிய அணைத்து பாடல்களையும் பகிர்ந்து கொண்டார்கள்.மிகவும் சந்தோசம்.நமது இசைக்களஞ்சியத்தின் சார்பாக இருவருக்கும் என்நெஞ்சார்ந்த நன்றியை தெரிவித்து கொள்கிறேன். டாக்டர் ஆனந்த் செல்லப்பா அவர்கள் மதுரையை சேர்ந்தவர்கள்.சிறுவயதிலேயே பாடல் பாடுவதில் மிகவும் ஆர்வம் கொண்டவர்கள்.பள்ளி படிப்பின் போதே அநேக பரிசுகள் பெற்றவர்கள்.பள்ளி படிப்பை முடித்து கிறிஸ்தவ மருத்துவ கல்லூரியில் (CMC)வேலூரில் மருத்துவம் படிக்கும் போது அநேக பாடல்களை தேவனுடைய நாம மகிமைக்காக எழுதி உள்ளார்கள்.இப்போதும் அவர்கள் Musical Concert நடத்துவது.பாடல் எழுதுவது போன்ற வேலைகளை கடவுளுக்காக செய்துகொண்டு இருக்கிறார்கள்.இன்னும் அவரகளது பாடல்கள் தொடரும்........... கடவுள் தாமே அவர்களையும் அவர்கள் குடும்பத்தையும் அவர்கள் ஊழியத்தையும் ஆசீர்வதிப்பாராக. நன்றி. குட்டி ஜாஸ்கர் இயேசுவின் நாமம் பாடிட வேண்டும் காலையும் கண் துயில் வேளையிலும் இன்பம் துன்பம் ஏந்திடும் போதும் இயேசுவின் பாதம் தேடிட வேண்டும் - 2 I மலரின் மணமும் நிலவின் ஒளியும் உலகில் தோன்றும் அன்பும் அழகும் இறைவன் படைத்தார் எனவே உணர்ந்தேன் அவர் பாதம் என்றும் போற்றிடவேண்டும் - 2 II மனதில் நிறைவும் மகிழ்வும் பொங்கும் அன்பின் தூய ஆவியே தங்கும் - 2 பாவங்கள் நீங்கும் பேரொளி வீசும் மோட்ச வீட்டில் என்னுயிர் சேரும் – 2 பாடல் : ஏசுவின் நாமம் பாடியவர் : ஆனந் செல்லப்பா பாடல் ஆசிரியர் : ஆனந்த் செல்லப்பா இசை : சக்தி விக்டர்,டாஸ் டேனியல் & ஆனந்த் செல்லப்பா வருடம்: 1987