I Bao sa i Beby - Artistes mivondrona - 55e anniversaire André TITYS- - Auteur compositeur

55ème anniversaire - André TITYS auteur-compositeur (1956- 2006) . TONONKIRA : I BAO SA I BEBY I Bao sa i Beby no tena filamatra tsara indrindra I Bao tsara endrika f’i Beby kosa dia tsara famindra Ny mason’i Bao dia baribary toa mason-domoina Ny jerin’i Beby dia lafo vidy tsy azo soloina Refrain : Bao a ! samy tsara ianareo , samy tsara Beby e ! samy endrik’ity Gasikara Bao a ! mananjara izahay Malagasy Beby e ! ka tsy menatry ny ho kasikasy Izany ianareo raha sendra tafaraka tsy haiko lazaina Mampiato mpandalo tsy mahatsiaro dia fa toa very saina Ny iray mody jenitra tsy mierika akory kanefa manjola Ny iray mody tezitra, midongidongy kanefa miangola Raha sendra handihy ianao ka sendran’ irony salegy Dia ho sanganehana tsy hita izay ho raisina i Bao sa i Beby Fa samy bikàna, samy tanora ary samy hafa kely Toa tsy olona intsony no fahitana azy fa tena anjely Paroles et musique André TITYS - 1966